السلام عليكم ومساكم الله باالخيرجميع،،
اهنيكم على ذالجمع الطيب الله لا يفرقكم وهذي مشاركه معكم
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البـــارحه راسي تصــافق طواريه=والنـــوم ماله يمة الـعين حروه
يلعب براسي صوت صلف المشاريــــه=ذيبٍ عوى يبغي عشا أمه و جـــروه
وأنا على الدنيا من الهيه للهيه=ماهمني شهـــره ولا جمــــع ثروه
همي وغمي واحدٍ يوم الاقـــــــيه=كني عليل وشوفته محــــــو قروه
ياتل قلبي فالهوى من عراويــــه=تل الرشا دلوٍ ثلاثيـــــــن عروه
يتله اللي حامي القيض حاديــــه=يسقي له إبلٍ مارعاها بكـــــروه
عشرٍ شريدة كثرها من غوالـــــيه=اقفت كما يقفي مع الجم مــــروه
واللي بقا عشرٍ وصاته من ابيـــه=من دونها لو يصبح الصدر فـــروه
قلته وكل إناء ينضح بما فــــيه=وفالعمر يومٍ يبلغ الــــعز ذروه
واليوم هذا يا أوله وين تالـــيه=والنوم ماله يمة العين حـــــروه
اخوكم
ضيدان بن قضعان[/poem]