المشاركة الأصلية كتبت بواسطة عبدالكريم بن خزيّم
[frame="13 50"]
[align=center]هذه الأبيات المتواضعه موجهه لأخي الشاعرعدنان الكريزم مع التحية :[/align]
[align=center]--(( ريــح السمــر ))--[/align]
[poem=font="traditional arabic,7,#e80801,bold,normal" bkcolor="" bkimage="" border="double,4,#400000" type=2 line=0 align=center use=ex num="0,#400000"]
شبيت ضوي بالمساء ثم هيّضن ريح السمر=ودلال صفر مبّهره والجمـر دايـر حولهـا
وفكّرت بالدنيا كثيـر ياعـل قلبـي يعتبـر=عن حال ناس ٍ ضايعه مغترة ٍ في ضولهـا
وجلست أجاوب هاجسي أكتب ويمليني شعر=وأرقى على متن البيوت اللي تجي وأقولهـا
وأسند قصيد لصاحبي عدنان من أهل الظفر=شاعر ووافي لاكتب يظهر خوافـي لولهـا
سلام يارجل ٍ وفي في صحبتك لـيّ الفخـر=فيك التواضع والكـرم والمرجلـه تنولهـا
شخص ٍ فهيم وعارف ٍ تفرق مطافيق البشر=تميّز أصناف العـرب رديانهـا وزحولهـا
ياصاحبي ياصاحبي ترى الردي عمره قصر=دام الرزاله منهجه يتعـب يشيـل حمولهـا
وراع البخل ياصاحبي دايم حياته في خطـر=ناس ٍ رصيده بالعلال قامت تخيـط نعولهـا
مهما ملك مهما ملك لو هو غني عاش الفقر=محروم ماله يجمعـه واللـي وراه ينولهـا
بكره يخلي دنيته في حفرة ٍ وسـط القبـر=وتطفي شموع ٍ منوره ويعيش تحت ليولها
وفي دنيتك كل ما تعيش ياما يمر ياما يمـر=مختلطـة ٍ يامسنـدي فريسهـا وذيولهـا
أنا أشهد إنه دنية ٍ زادت على الخاطر قهـر=متقلّبه متقلّبه فـي عرضهـا فـي طولهـا
والبعض ملفى للبشر به خير يشبه للشجـر=كل ٍ تظلـل فيهـا كـل ٍ طعـم محصولهـا
وألا الردي يبقى ردي راحت حياته في كـدر=والناس بكره تدعسه من عملتـه برجولهـا
[/poem]
[align=center]تقديري للجميع ,,,,,[/align][/frame]