بسم الله الرحمن الرحيم
السلام عليكم ورحمة الله وبركاته
انثر بين يديكم إحساسي وأول ماكتبت على التفعيلة ..
على بابك..
غفيت شويّ ..
مضى حلمي يدوّر فيّ ..
وكل الفيّ بأهدابك
على بابك
ودفتر ذكريات الأمس
وصورة بحر عانق شمس..
وليلٍ بات وسط الهمس
ونجمٍ صاح للذكرى
وصبحٍ زان بالعبرة
ونخلٍ باكيٍ طيره ..
ينادي .. في الهوى طيفك
على بابك
صحيت وهمت..
سألني صوت : وش جابك؟
لعمرك .. تذكر أصحابك!
ترى راحوا مع القمرا..
وماباقي ..سوى هالبــاب
يحاكي حزنك الغلاب ..
ألا ياصوت .. لو تسمح
كفاية جرح ، لا تجرح
تلعثمت وسكت ونمت..
على بابك..
غزاني حزن..
كساني ثوبي الفضفاض
وصدرٍ ضايق بالحيـــل ..
وحلمٍ صار فعلٍ مـــاض
وشعرٍ ما انسكب إلا..
وانا واقف..
على بابـــــــــــــك