ألناس فيها روس

[محمد بن دحيلان]

هذه الابيات رثاء في والدي رحمه الله رحمة واسعة
واسكنه فسيح جناته واموات المسلمين آمين يارب العالمين
ووفاته من مدة تجاوزت ال6شهور والواجب
الديني والانساني يحتم علي نشرها 0



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالله يااللي تغفر الذنب واتوب=على عبادك مكثرين الخطايا
ياواحدن غالب ولاانته بمغلوب=انفوسنا لرضاك جوعا ضمايا
عفوك ماهوب اعن المخاليق محجوب=وعطاك جزل ياجزيل العطايا
يارب يارحمن ياخير مطلوب=ياعالم بااسرار كل البرايا
يافارج الكربات عن كل مكروب=خزاين ارضك باالمكارم ملايا
يارب طه رب ذاالنون وايوب=ياالباقي اللي مال غيرك بقايا
تغفر لبوي مواسد اللبن والطوب=وتنجيه من نار لهبها لظايا
في ساعة كل من العقل مسلوب=الخلق تاقف لك حفايا عرايا
كل يواجه ماعمل مابه اهروب=في يوم ماينفع بنون ورعايا
ياربي اغفرله ليا صار مذنوب=واقبل حساناته تراها سرايا
ياربي اسقه من نهر جنتك كوب=يارب لاتخذل حميد السجايا
ابوي كساب الثناء قاضي النوب=اللي موصينا بطيب الوصايا
سعد ابوي مكمل كل ماجوب=للبدو واللي يسكنون القرايا
له سيرة حسنة وموقفه محسوب=تبدا له الاشوار عند القضايا
لبس المراجل مثل مايلبس الثوب=وجمع مزايا من خيار المزايا
طيب ومتواضع ونشمي ومحبوب=وحماي وان جات الدعاوي حمايا
وعند الصمايل صامل الراي مهيوب=وهذي تراها ميزة فاالدهايا
والناس فيها روس وامتون واجنوب=وابوي راس ولاتفيدالحكايا
قضى حياته كلها عز واعجوب=في طاعة الخالق وحسن النوايا
والموت سنة واجل الانسان مكتوب=محد معمر والمنايا منايا[/poem]

[align=center]


الله يرحمه بواسع رحمة


واللي خلافه ابنا مثلك يابو سعد مامات



صح السانك يالجزل




ولاهنت



اخووك[/align]

[محمد الاسمري]

الله الله

صح لسانك يالشاعر

ورحمة الله على فقيدكم

وعساها أخر الاحزان وانا اخوك

الله يكف الباس عنا وعنكم

تقبل تحياتي

[الزيزفون]

سلمت ولا هنت يالذيب لك مني جزيل الشكررررررررررررررررررررر ررر

[محمد القويماني]

محمد ابن دحيلان000
محمد الاسمري000
الزيزفون000
الف شكر لكم جميعا ردودكم وسام شرف0 تقبلوا تحياتي0