السلام عليكم ورحمة الله وبركاته
نبدأ المزاااج قصدي المزاااد على ماكينة للبيع ما مثلها تقطع الأبراج
وتوقف الطياراات ومشكوك في أمرها إن فيها مادة (السي سي في )الي يصنع
منها الفصفص
وفيها بعد مادة تخلطها مع كرش قطو يصير علاج ضد الهبل والنعاس العصري
هذي ماهي ماكينة خياطة .
الماكينة للحلاقة .
أمس وأنا في الخفاره مسكت على شعري قلت خلني أحشه ,, كثير لأني بعيد عن عيون
الضباط وما حلقته .
وانا بادي من قصتي سمعت صوت طيارة حربية فوق راسي شوي أختفى الصوت
وين راح وين راح طنشت السالفه وكملت حلاقه .
وإلا والسلم نازل علي من السماء
أطالع فووق لقيت الطياره مسفطه على الرصيف فوق والطياره نازل لي
وقته قلت سر الليل << وين سرى الليل بالنهار يا مهبول .
المهم قال يا ولد وش الي معك ؟؟
قلت ماكينة حلاقة .
قال يأخي هي الي عليها صورة بنت حولااا .؟؟
طالعت في قفا الماكينة لقيت أيه في صوة بنت حولا قلت أيه .
قال يا أخي وأنا ماشي فوق وقفت الطياره عن العمل والمؤشرات نزلت للصفر
اكيد فيها مادة صفار البيض ..
قلت والله مادري .
قال بأشتريها منك بـ 100000 ريال
عاد أنا طمعت وقلت لازم أعرضها في المزاااد وعلى عيون الناس كلها .
المووهيييم نصيحه الي عنده ماكينة حلاقة أم بنت حولااا يتصل علي وأنا أصرفها له .
8
8
8
خرابيط بندر
========
لب الموضوع يا أخواني وأخواتي في الله ..
لا يخفاكم ما حصل الآن من رواج مشكلة غلاء مكائن الخياطه ,, هل فعلا صحيح الكلام ؟؟
هل صحيح فيها مادة الزئبق ؟؟
وإن كان صحيح أين الدوله عنها لم تكشفها وتعلن عنها وتحتكرها ؟؟
وصانع الماكينة هل غبي لهذه الدرجه يدس منذو عشرات السنين الزئبق الأحمر في ماكينة خياطه ؟؟!!!
هل شعبنا غبي لهذه الدرجه ويحهم ويحهم تبعوا الشهوات والهفوات والكذب .