[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
البيـض والله لـو يصفـن طـابـور=ماعنه اجنـب ليـن تبـرى شجونـي
ولو جن من المغرب ومن مشرق النور=ماخترت غيره عشـق لـو خيرونـي
الفكـر فـي فرقـاه مايقبـل الشـور=من قـال لـي خلـه تزايـد جنونـي
اليا طرت لي غيبتـه قمـت مذعـور=والنـوم عـيـا لايـلايـم عيـونـي
ياوجد حالي وجد مـن بـات مخفـور=سجيـن غـرم ومثقـلا بالديـونـي
ولا وجود اللي حفـر خمسـة اقبـور=لـبـوه واخـوانـه والام الحنـونـي
بعـد دفنهـم قيـل مبعـد ومهجـور=ردوه ربعـه لايــزور الضعـونـي
وشلون تسكن بيننـا وانـت مجـدور=هـذي عوايدنـا للانفـس نصـونـي
أهلك ماتوا وانت جايـن لـك الـدور=قالـه كبيـر القوم.قـال اسمعـونـي
ابنو عليه عـن ذيـاب الخـلا سـور=حـول الحمـى تكفـون لاتتركـونـي
ولا بصاح الضلع وان جانـي انشـور=رعيـان قطعـان الغنـم يطعمـونـي
وفي كل يوم ان بانت الشمس بسفـور=وامـع العشـا مـرّوا ولا تهجرونـي
مافيه واحد عـن قضـى الله ماجـور=تريثـوا وان كـان مـت ادفنـونـي
وانهى الكلام بعبرة(ن)تكسـر الـزور=واقفـوا وقامـن يهملـن العيـونـي
وجدي هذا وانا علـى البعـد مجبـور=واهـل السلـوم بسلمهـم عاقبونـي
على الذي له نعس (ن )خدر(ن)حـور=هو الأمل ومنـاي مـن كـل كونـي
اهيف حشا والنهـد بالصـدر مزبـور=وله اشقـرن غطـى النحروالمتونـي
انـا قتيلـه ياهلـي وانتـم حضـور=وانـا قتيلـه كـان أهلـي افقدونـي
مسحور في حبـه ولا نـي بمسحـور=مفتون بـه والقـوم دونـه حدونـي
سحر الهـوى ماعالجـه كـل دكتـور=وياكثـر نـاس بالغـرام حسـدونـي
ان جيت به ياحض بالحيل مسرور=وان كان حضي شح به كفنونـي [/poem]