السلام عليكم
موضوعي لليوم في جرأه لي ومساعده لي كله لي
المهم لااطول عليكم انا حزينه ودموعي على خدي وانتم دواء لي بعد الله ساعدوني ولاتتخلو عني
انا بصراحه في اول سنه في الكليه في مجموعة من البنات تعرفت علي يعني دخلو علي شمال وانا من الابتدائي مااتكلم كثير يعني بالعربي انا انطوائيه المهم المجموعه هادي انا ماحبيتها وهم نفس الشئ لأنهم كانو يتكلمو فيا ويقولو اني امشي معهم بس عشان مصلحه يعني اخد دفتر منهم وكذا يعني وياكثر المرات اسمعهم يتكلمو عني ودايم اسمع واكتم في قلبي المهم في سنه ثالث كليه ضاق صدري منهم وماتحملت اسمع اللي يقولوه عني بصراحه تركتهم وابتعدت عنهم المهم صرت امشي لوحدي في الكليه وفي مجموعة بنات(غير المجموعه الاولى ) لاحظو هالشئ وقت ماكنا في المدرسه نتدرب للتدريس وجاءت احداهن وتكلمت وسألتني ايش سبب الزعل وقلتلها وقالت خلاص انتي امشي معنا في الكليه وانا مشيت معهم وانا خايفه ومرت الايام واحنا زي الحلاوه مع بعض وكنا في الترم الاول وجاء الترم الثاني( في الصف الرابع )ولاحظت وانا امشي مع المجموعه الجديده البنت اللي قالت امشي معي تغيرت علي يعني اول كانت تمسك ايدي لما تتكلم معي وكانت تتكلم عن نفسها كثير والآن اصبحت ماتعطيني وجه وصارت تتكلم اكثر مع صديقتها المفضله اكثر مني وتمشي معها وتمسكها من يدي وانا مقهوره وفي الصباح اتكلم معها وتتكلم معي عادي وبعدين ماتصدق تجي مجموعتها تفرح فرح موطبيعي كأنها ماصدقت ترتاح مني ماادري هذا اللي حسيته وانا مااتكلم كثير معاهم يعني دائما انا اسألهم عن كل شئ بس هم مايتكلمو كثير معي ولايسألوني زي ماانا اسألهم يعني احسهم مايهتمو يعرفو عني شئ نفس طريقة المجموعه الاولى والمجموعه اربع بنات وانا داخله في الوسط بينهم احس اني غلط ودايما كل اثنين يتكلمو مع بعض وانا ساكته بس اتكلم لما نجتمع على فرشه واحده يعني احس اني وحيده وانا من النوع اللي مايحب يدخل بين اثنين احس اني ملقوفه
ماادري المفروض مااسوي كده ولاايش واحيانا احس العيب فيني ماادري تعبت من كل شئ احس اني وحيده نفسي ترجع هاالبنت اللي قالت امشي معنا تهتم فيني نفس اول وتعطيني وجه ماادري تنصحوني اقولها ايش سبب التغيير اللي حصل ولا اقولها يمكن العيب فيا اوانا طلع مني شئ غلط ولاهذا يقلل من قيمتي عندهم ولا يمكن مشكلتي اني مااتكلم كثير لانه نفس الشئ صار مع المجموعه الاولى والثانيه والله بس انا صرت اتكلم اكثر من لماكنت في المجموعه الاولى ياربي والله تعبت، نفسي لو مره في حياتي تكون لي صديقه تريحني بصراحه ماني عارفه ايش اسوي وصرت اكره اروح الكليه بسبب الصداقات اللي زي كده، نفسي اعرف فين المشكله
ايش تنصحوني ياجماعه ؟ وفين العيب؟ وهل اقدر اغير البنت واخليها نفس اول مثلا اكلمها واعرف السبب ولا يقلل من قيمتي اوممكن يأخدو فكره عني اني ضعيفه ولاكده ممكن افصل بين الاثنين ساعدوني الله يسعدكم
اسفه على الاطاله ادري ثقلت دمي بس ايش اسوي لازم اقولكم الحكايه من اول عشان تفهمو
تحيتي للجميع
شذى الروح