[frame="15 80"]ياهـلا بـك ياحـروف القوافـي ياهـلا
بعد ماطول غيابك ومنـك الشـف طـاب
اسرجي خيلك عليـه ولـك مـاي وكـلا
من ضميرن كل مزهمه لبا لـي وجـاب
وغرفي من عـد ماديـر بيديـن ابخـلا
وسقي اعروق القصيده بعد جور العـذاب
وشرحيها شـرح وافـي ولا نبغـا جـلا
ومطري مثل السحابه على روس الهضاب
ورسمي من بسمة الشمس وعناق المـلا
قصة التاريخ في صـورة ايـام الشبـاب
ونبشي من تحت الانقاض وبيوتـن خـلا
فيه الي مدفون ذكرى على صفحة كتـاب
ذكرينـي ضمـة الصـدر بيديـن الغـلا
ضمتن من لهفة الشوق مافيهـا عتـاب
وعلميني رقصة الطفل مـع ظبـي الفـلا
وروعة احساس الطبيعه تحت غيم السحاب
ووصفي لي سيرة اجـداد ماهـم ببخـلا
الرجال اللي تثنـى لهـم عـوج الرقـاب
سيرتن منهـا كسبنـا المعالـي والعـلا
وكتسينا من سناء نورها بيـض الثيـاب
وفتحي لي قلـب بالـود والحـب امتـلا
ونسي اللي قلبه اسود مثل ريش الغـراب
خاطري عن ذكرى الايام الاولـى ماسـلا
لوتقدم عمر شاعرك ابه والـراس شـاب
وعد مانقـراء حـروف الكتـاب المنـزلا
وعد ماسارت على الارض بخطاها الركاب
ياصلاة الله علا اللـي بـه الظلـم انجـلا
الشفيع اللي لنا يوم ابه عرض وحسـاب
[/frame]
رد مع اقتباس
المشاركة الأصلية كتبت بواسطة ***العطاوي***
