ارفع حجاجي فوق للشاعر صياد الخياري
--------------------------------------------------------------------------------
تاريخ سجل
البارحـه عـجــزت من شـفـت لا فيــق
ارفـع حجـاجي فوق لا يسيل دمعي
تــاريــخ سـجـل واحـتـفـظ بالمـواثيــق
كانك تشوف انه صدق راي رمعي
سبـعـة جـبـــال نـايــفـات شــواهـيـــق
وزمـامـهــن مـلـوم ثـمـان جـمــعي
الـردع حـاديـهـن علـى نشـفــة الـريـق
ولاني مكذب شوف عيني وسمـعي
قبل امس اشوفه يبـرح الأرض لاويـق
وعليه حملن له على الشمس لمعـي
اشهر من اسم طويق واثقل من طويـق
وله هيبة اكبر من نوى فيه طمعـي
يـوم وقفـت بـوجيـه هـالك المـطالـيــق
الخـاتمة ما هـي رجـاوي وهمـعـي
لا تـقـول كـل اللـي نشــوفـه تـوافـيــق
الليــل ليــل الله والـشــمـع شــمـعي
مـدري نـهـايـة وقــت وإلا مشـــاريـق
بـس الأكيـد انـه عــظــيم وزمــعـي
لـي خـاطر ابـدي مـا لـجـا بالـمعـاليـق
لكن على الله يوم شابت على امـعي
استصنع الضحكة ليا صرت في ضيق
يوم الزمن ساوم على اظهار دمعي