[poem=font="Simplified Arabic,4,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black"]
البارحـه جتنـي بهـا أحـلام نايم=حلـمٍ بعـد ماطـار ذقـت النـدايـم
كنـي معـاهـا شابكـيـنالايادي= نطـرب علـى رنـة هديـل الحمايـم
فـي روضـةٍ فيهـا الخزامـا تثنـي=ريحـه تنـفـه مقفـيـات النسـايـم
اشكي عليها ماجرا لـي مـن الهـوى= واسرار خفـاق علـى الـود صايـم
وتضحك على شكواوي وتقـول هـوّد= وشفيـك تشكـي ماضـيـاتِ قـدايـم
مثـل الـذي صيـده يشوفـه بعيـنـه=وينقلـه بـثـارٍ عفتـهـا السمـايـم
قلت اعذرينـي هالنـي ماجـرا لـي= فالخلـود سمّـوا مهلكـات العـزايـم
والحـبّ اهلـه بـدّة النـاس اسـرى=تشوفهـم مابـيـن طـايـح وقـايـم
قامـت تبسـم لـي وتشبـح نظرهـا=بعيـون قرنـاس مـن الجـوع حايـم
قالـت علامـك يالمشقـى حزيـنـي=الوقـت مـاهـو للموالـيـف دايــم
واقفـت تجـاذب فـي يديهـا يمينـي=وتعـوج لـي عنـق العنـود المحايـم
واقفيـت معاهـا طايـع مستجيـبـي= امشي علـى خطـوة قدمهـا وهايـم
وبنّـا علـى روضٍ بهرنـا جمـالـه=مصحى الاطراف واوسط الروض غايم
فاستدرجت واستقبلـت نسمـة الصبـا=ورزت نهـودِ فـي نحرهـا زمـايـم
وزفـت جدايلهـا مـن الوجـه للقفـا=كمـا ذيـل شقـراً للعـزاوي تهايـم
قالـت تفكـر فـي جمـال الطبيعـه= وتشـر بديـهـا للشـعـاب الغتـايـم
شعبـان قـاع علهـا رايـح الحـيـا=سيل جـرى خـلا القضـوف اتلايـم
تسعيـن ليـل بارقـه يقلـب النظـر= وحـس الرعـود مدويـات الرزايـم
وقد ريحها يعتاك فـي مهمـه الفضـا=عطـر الطبيعـه صانعتـه الوسـايـم
مصخي به المعبود من بـاب رحمته= ربـي علـيـم بخافـيـات الكتـايـم
قلـت اعذرينـي يامهـاة الجـزيـره=لزيـن ماهـو للجـبـال الصمـايـم
في القاع والاشجار واصناف ذالبشـر=وفي الجو وبحـور اللجـج والبهايـم
من كلهـم حذتـي جمالـه وروعتـه=وضفتيـه للحسـن اللطيـف المشايـم
ماشفت حسنك في حياتـي ولا دنيتـي=ايضاً ولا بـه فـي وصوفـك علايـم
فانتي الجمال بساحة الكـون والحـلا=ولغيـر زولــك الـحـلا مايـلايـم
طالعتهـا ولا البـرق يلمـع بثغرهـا=مـن مبسـم تزهـاه ذيـك الوشـايـم
تشرق ملامح وجههـا بفرحـة اللقـا=ولا عودهـا يرتـز بـشـم مخـايـم
مـدت يديهـا لـي وقالـت جبـالـك=احضن مـودًّ لـك ياراعـي الغنايـم
صدقـت ماصدقـت انـهـا تقولـهـا=وعروق قلبـي مـن هواهـا صرايـم
مـديــت ايـــدي باحتضـنـهـا=فزيت لانـي فـي حـلا النـوم نايـم
[/poem]