بسم الله الرحمن الرحيم
صباح الخير اخواني كلمات بسيطه
ومتواظعه اتمي لها اقل الرضي والقبول والمعذرره
[poem=font="arial,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لليل يالليل يالليل الوله ما شفقت =ليه يالليل الاحباب انت فوقي بخيل
بعد يالليل من محبوب عيني سرقت =قمة أشوف المثلث كنه المستطيل
وانت يالليل يالليل العنا ماخلقت =ولا ظلا مك على ذريت أدم وكيل
الله انه خلقك اسبات فوق أن مافقت =بس يالليل ماذقنا لنومك حصيل
ياجميل(ن) بعد فرقاه حيل انعزقت =سعد من هو سكن في وسط جفن(ن) ظليل
ويل حالي من الي لاطرالي شهقت = ليتني دمع في داخل عيونه وسيل
ليت ياليت برموش الجميله لصقت =ودي اموت بين ارموش ذاك الكحيل
وانت يالليل فارقني تراني زهقت =لا تطول علي بشراق صبح(ن) جميل
ليت يالليل قبل اسهرك انا ماعشقت =احسب انك يالليل الشوق منته طويل
اثرني في خفوق الشوق والود تقت =في هواء اللي معاد القى لوصفه مثيل
من هويت بهواء محبوب قلبي غرقت =خطوتين وغرقت بحيد مجرى المسيل
والله اني بحب الزين ياناس ذقت =لين ماعاد بقى في من الحيل حيل
ويوم فارقني المجمول ياهو حمقت =بين ذالناس عايش كني اكبر ذليل
أسطلي من فراقه نار لين احترقت =كني اصلى على جمر الغضي والمليل
آآآآه ياوعدي المأمول ليش أمحقت =ليه تترك خفوق العاشق اب لا خليل
بي ذنب(ن) بعد ماني بحبه علقت =وبعد ماكان ينثر لي هذال الجديل
وش ذنوب الوفاء يوم ابجفاه انخفقت =ولا لقيت اب حنايا خافقه لي مقيل
والله اني بحب احبيبي مازلقت =كيف ينسى غلايه بين يوم(ن) ولليل
انطبخت وشويت وانقليت وسلقت = وراح حبي على ماقيل كله سبيل
يوم جمالها لاح بعيوني صعقت =تحسب اني خفيف العقل ماني ثقيل
ويوم شميت ريح اطيابها وانعبقت =سقت دلت غرام الشوق مبهر بهيل
شوقها قام يصلقني ومنه انصلقت =ودق نجر الغرام بداخلي له صليل
وقلت يامرحبا يبارق(ن) لي برقت =ياظمايا حنايا الشوق عيني تخيل
لا ض برق الحلا والشوق منه التهقت = وأثر درب الغرام ايتوه اكبر دليل
احمد الله لا ز نيت ولا سرقت = شاعراً من سليم ولابتي من حليل
وان بغيت المعالي سقتها وانطلقت = لين تعلو شموخ(ن) للجدي والسهيل
لاكن اني بعد فرقى الجميل ان قلقت = واعتقد يوم أبصبح من غلاته قتيل
يوم انا في غلاته ماكفرت وفسقت =هذي الفايده يعني فراقه حصيل
مامشيت الدروب العوج من أن خلقت =ولاني بذا الغلا والحب عاشق دخيل
مير ماعمرني وفقت ولا رزقت =في غلى حب محبوب(ن) كحيل (ن) نحيل
لين من ذا لهواء والشوق والحب ظقت =ولين حالي غدى من كثر حبي هزيل
اشهد اني بحب الزين حيل انزنقت =ومن غلاته ورب البيت لبطي عليل
وكل ما في غلا صاحب جديداً وثقت =ظن في عقله اني من وفايه هبيل
لنني صادق(ن) من يوم ماني خلقت =افارس(ن) من عرب اصيل واصهل صهيل
بس هذا الزمان الشين فيه انخنقت =لن سلم الوفا ذا لوقت ماله عميل
ولو يهبقون ناس(ن) واجداً ماهبقت =اعتلي فوق دامي (عاشق المستحيل )
[/poem]
وسلامتكم