[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ما بقى حولي مـن العالـم رفيـق=ولا بقى حولي من اشكي له عناي
وما بقى لي بالأمـل لمعـة بريـق=وفي ظلام الياس كيف ابني رجـاي
الجروح اتزود و الخاطـر يضيـق=و ضحكتي ماتت على شاطي شقاي
ان شكيت اشكي على سكة طريـق=سكةٍ مـن طولهـا تعبـت خطـاي
ازرع الازهار ما قصـدي رحيـق=كل قصدي تشهـد العالـم وفـاي
انتظر هذا الزمن يرسـل صديـق=و انتظـاري لزمـن هـذا جـداي
مير اشوف ان الزمن شره عميـق=اشهد اني فيه قـد خـارت قـواي
دمع عيني يا همومي لـك شقيـق=كل ما زدتـي يبيـح لـي خفـاي
ولو غدى جفني من ادموعي غريق=ما يطفي فايض ادموعـي لضـاي
يا همومـي ولعـي فينـي حريـق=و طيري باقي رمادي فـي سمـاي
احرقيني لو غدى جسمـي طليـق=بين ياس الحلـم او قمـة منـاي
و في سقوطي صوري شيءَ يليـق=للضحيه رمز مـا صـار لسـواي
يمكن احلامي بعـد موتـي تفيـق=و يستفيـدو منّهـا منـهـم وراي
يا همومي كان مـا حولـي رفيـق=المراسي لك على شاطـي شقـاي [/poem]
[align=center]و سلامتكم جميعاً[/align]