المشاركة الأصلية كتبت بواسطة سليمان الذويخ
اخوي فالح
شرّقت وغربت يابناخي ..
الأخت بسمة امل نقلت لك خبر عن حملة اخرى .....
والناقل لا يتحمل مسؤولية ما نقل
ومع اني ارى ان 50 الف كثيرة بعد على شباب هاليومين دئلت
ياجماعه وين الوعي ؟
اكلف الرجل بقصر افراح وعزايم كلها لحاوية النفايات <<< الناس ببيوتها شبعانه
ما عاد احد يروح للزواجات علشان يملأ بطنه الا النادر جدا من المشافيح
ليتهم يعزمون المساكين ولو بارسال العشاء لبيوتهم ..
يتفقون بكل اسف مع جمعيات ترسل لهم كم بنقالي يودي العشاء للجواعى الساعه 12 او 1 بالليل ؟!!!
يعني يتعشون والا يفطرون ؟
لكن مهي هذي المشكله
المشكله ان التكاليف تخلي الأسرة الصغيرة ما تدري تعيش زي الناس والا تتحرى قسط الايجار والا قسط السيارة
يعني البنت تباع وتشترى وترمى ببيت زوج مطفر علشان مطالب اجتماعية مخجلة ؟
هل هذا من الدين ؟!
والله اني احترم واقدر اللي يحط الزواج مختصر وذبيحة وحده
وشهدت مؤخرا زواجا لأسرة كبيرة من الأسر ( ومن حايل يا اخي الكريم بعد)
واسرة مشهورة بالجاه والغنى
وكان الزواج مختصر وعشاء عادي نحمد الله
ولكنه فخم جدا جدا
فخم بطيبة المضيف وترحيبه بضيوفه وهشاشته وبشاشته
فخم بسواليف الرجال
فخم بتقديره للنعمه
اسأل الله ان يجعل زواجهم مبروكا
وان نراك يا اخ .. مدري وش اسمك فالح
اصبر خل انسخه :مزون:
F_ail7
ان شاء الله نحضر زواجك قريبا
ومع اني هلالي .. ابجي بلباس رياضه اصفر وازرق وعليه الرقم 9 بعد
وندقه دحه انا ومحمد الدغيري... على
شاطي النخيل بالفناتير :مزون:
اسف للإطالة