الشمري
ياسلام الله عليكم من هجوس الشيبه
شايبن مطنوخ لايامي ولا قحطاني
وين كبش القوم يقرب ودي اضحي به
لجل لاشافه هزيل الحال مايبلاني
القناص
مرحبا بالشايب اللي مادرى عن طيبه
غير روحه تشهد انه فاللزوم حصاني
ان بديت المرقب العالي تعيّن ذيبـه
يا كبير الهقوة اللي جاينا طمعانـي
الشمرى
البقى ومحمد بن مشيط هز عتيبه
الحقيقه تقنع الراضي مع الزعلاني
لابديت الرجم زاد القلب عز وهيبه
وان عوى السرحان جاوب صوته السرحاني
القناص
من شرب بذراع غيره مكسبه والخيبه
والوعل يبطي عظم ماحرّك الضلعاني
ما خبرت الشمري ثعلب يهز ذنيبـه
خابره طيب وربعه كلهـم فرسانـي
الشمرى
شمري علمه يمرك نوب ما تدريبه
شد حيلك وان رفعت حجاجك بتلقاني
لا تحسب الشعر مثل مسلسل التغريبه
المخيله فوق راسك والمطر وداني
القناص
شمري بحزام صنعاني فرى الله جيبه
لا يوصيني بعد جاته على الحجاني
الله اكبر يا زمان الفلسفه والريبـه
يا مبنين البيوت اللي بـلا عمدانـي
الشمرى
من يقول الحق وسط المعرفه ما اخيبه
البحر موجه غزيرٍ البحر انا تراني
كل ظرفن من ظروف المرجله ما اسيبه
اترك الدفن المعيب جمل الله لساني
يا سلام
صحت الألسن ولا هنتم
محاورة جزلة
اسجل اعجابي بها
شمر وعتيبة كلهم اصحابي
مساك الصفين
تقبلوا مرورى
،
،
،
رد مع اقتباس
