يابحر عطني علومك وآخر أخبـارك
أبغى الصراحة عساك بالقول تشفيني
مدَك وجزرك يخفي خافي أسـرارك
هدوءك اللي يخفـي شـئ يعنينـي
ياما فقدنا عشاق وعشاق لبحـارك
عشاق بحرك ياكم راحـوا ملايينـي
غاصوا لغزرك وكنزك داخل إغزارك
وراحوا ولاحدٍ عرف لهم عناوينـي
والسفن بغبتك والمـوج هـو دارك
غدّار يابحر ولو تضحـك تسلينـي
ومن ينزلـك يابحـر يلعبـه دوارك
يغمى عليه ويشوف أسماك ودلافيني
حلفت ماأنزلك لـو رزقـي بـدارك
والرزق بحرْك القدم للي نشيطينـي
مع السلامة لمنهوا يرغب أسفـارك
ماعاد لك يابحـر حـبٍ بيحوينـي