نجمة الصبح ... رائعة نمر ابن صنت !

[سليمان الذويخ]

السلام عليكم ورحمة الله وبركاته
:
:
اليوم سبحان الله
قررت اتجرأ وادخل منتدى الشعر الشعبي
( وليس النبطي ) <<< اقول لكم بعدين ليش شعبي ويس نبطي ؟
ودورت لي مشاركات قديمة في منتدى سابق ويا الله حصلتها
اليكم القديم من مشاركات كتبتها وارجو ان تقدم نفسها لكم
فقد اعجز عن تقديمها لكم بما يليق بها :
القصيدة هي رائعة الشاعر نمر ابن صنت رحمه الله
والشاعر نمر ابن صنت له من القصائد الكثير
ولكن تتميز هذه القصيدة بأوصاف اضعها لكم هنا وانتم الحكم!
اليكم القصيدة ...

[poem="font="arial,5,orange,bold,normal" bkcolor="transparent" bkimage="./images/backgrounds/21.gif" border="inset,9,orange" type=2 line=1 align=center use=ex num="0,black""]يانجمة الصبح كبدي منـك مرهوقـه=لا شــعّ نــورك عليـنـا لا تغيبـيـنـي
ستايـر القلـب مـن فـرقـاك مفتـوقـه=أصبر من العـام ليـن انـك ذبحتينـي
الــوِد لــو نتـركـه عـنـا و طـاروقـه=أظنـي أرتــاح وأنـتـي تستريحيـنـي
لبيـك ياللـي تجـر القـلـب وعـروقـه=كلـه علـى شـان يـوم أنــك تلبيـنـي
تلحنـي لــح ركــب عجـلـوا سـوقـه=أو لحّ ذود مسـريـهـن شيابـيـنـي
عديت عن مبسم المجمول لا أذوقه=أنـا بـلاي الحيـا وأدرى علـى دينـي
يا قلب ياللي من الجازي دنا عوقـه=يا ناس شيـروا عليهـا لا تقاصينـي
و إن كان قلبي تلبش عنه صندوقه=شــدوه لـيـن اتـجـود فـيـه بيـديـنـي
قالـوا معاليـق قلبـك منـه مسـروقـه=قلنا خذتها الضحا و الناس واعيني
يا ليت ربي ومر خالـد علـى شوقـه=يفـك حبـلـه ولــو يعـطـى ملاييـنـي
الأولـه ليـت أبـو خلـي مـن الروقـه=والثانية ليت أبوي مـن القحاطينـي
يـا لله يــا خـالـق الدنـيـا لمخلـوقـه=تقدر على الموت تذبحني وتحيينـي
تلـم شملـي لا بـد الــروح مرفـوقـه=بأربع هناديس في قبـري تخاوينـي [/poem]

تقبلوا تحيتي واحترامي لكم جميعا

سليمان الذويخ

[مشعل الشايقي]

و إن كان قلبي تلبش عنه صندوقه
شـدوه لـيـن اتـجـود فـيـه بيديـنـي
قالـوا معاليـق قلبـك منـه مسروقـه
قلنا خذتها الضحا و الناس واعيني


لاهنت اخي سليمان


تسلم على نقل هذه الرائعه


رحم الله شاعرها



تحيتي وتقديري

[خــــالـــــد]

[align=center]
صح لسـانك وقلبك يا سليمان ,,

دائماً أنت في المقدمة بكل شكل وبكل لون

لاهنت يالغالي

تشرفت بـ هذه القصيدة
[/align]

[طلال الشامسي]

يسلمو على هذا النقل الجميل والساحر

لا هنت اخي سليمان

[سليمان الذويخ]

و إن كان قلبي تلبش عنه صندوقه
شـدوه لـيـن اتـجـود فـيـه بيديـنـي
قالـوا معاليـق قلبـك منـه مسروقـه
قلنا خذتها الضحا و الناس واعيني
لاهنت اخي سليمان
تسلم على نقل هذه الرائعه
رحم الله شاعرها
تحيتي وتقديري

سلمت ولا هنت اخانا الكريم مشعل

اشكر لك طيب المرور والتعليق

تحية وتقدير لك

[سليمان الذويخ]

[align=center]
صح لسـانك وقلبك يا سليمان ,,
لاهنت يالغالي
تشرفت بـ هذه القصيدة
[/align]

صح بدنك اخونا الغالي الاستاذ خالد
اشكر لك تفضلك بالحضور وتشجيعك لأخيك وثناءك النابع من حسن ذاتك سلمك الله
سعدت بك اسعد الله ايامك

[سليمان الذويخ]

يسلمو على هذا النقل الجميل والساحر
لا هنت اخي سليمان

اهلا بالأخ طلال

سلمت ولا هنت
بارك الله فيك على طيب المرور