[align=center]السلام عليكم ورحمة الله وبركاته.....
اعزائي الافاضل نجوم هذا الصرح الشامخ
اليكم هذه القصيده المتواضعه اتمنى ان تحوز على رضاكم[/align]..
[poem=font="Simplified Arabic,4,royalblue,normal,normal" bkcolor="transparent" bkimage="" border="none,4,burlywood" type=2 line=0 align=center use=ex num="0,black"]
يامهجتي ياحنين القلب واشواقه= امّا ارحم الحال ولا لاتعلقها
العين من سبتك بالدمع دفاقه= اسهر واعد الثواني مع دقايقها
والجفن عقبك لذيذ النوم ما ذاقه= يا فاتن الخلق تسأل عند خالقها
سكنت وسط الخفوق وداخل اعماقه= ملكت نفسٍ غلاك اغلى حقايقها
كل المشاعر بحبك جات منساقه= خلّ البساط احمدي بالله واعتقها
ان كان صديت واصبح شوفك شفاقه= لا خير في سابق العشره ولاحقها
مالك مع العالم المجهول عشاقه = غايات ناسٍ مع ناسٍ تحققها
مهوب حب يحن القلب بفراقه= بين الشفق والغسق ربّك يفرقها
وانا اللذي حافظٍ ودّك وميثاقه= اعهودنا الاوله عندي موثقها
في غيبتك ما نسيت الهم وارهاقه= هاذي خطيه ولا ادري وش سوابقها
وش غير احوالنا امن الباب للطاقه= اطفي النار وانت عناد تحرقها
الآدمي ياحبيب الروح له طاقه= وحملتني فوق مالا طاق عاشقها
سولف واسولف وهات الهرج ودقاقه= يضحك لك الكون مغربها ومشرقها
وعاتب واعاتب وكلٍ يكشف اوراقه= وان كان لك حق هد من خيلك اسبقها
معذور راعي الهوى لو شانت اخلاقه= وشلون لاصار خلاّنه مفارقها[/poem]
وســـــــــــــــــــلا متـــــــــــــكم