بسم الله الرحمن الرحيم
[align=center]
السلام عليكم ورحمة الله وبركاته
بعد الغياب الذي فرضته ظروفه
اضع بينكم هذه المتواضعه على امل ان تنال على استحسانكم واعجابم[/align]
[poem=font="simplified arabic,5,red,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياوقت ماشفت بـك غيـر البلايـا=اللي تزايد يوم عن يوم عـن يـوم
اللـي تليـم بيـن عـوج ٍ حنايـا=همومي اللي خلت الصدر مكتـوم
جتني تـوارد مثـل ورد الظمايـا=اللي حداها القيض والخير معـدوم
ثم صـدرن مـن عدهنـّا روايـا=وخلن وراهن راوي العـد مـردوم
وجني هجوسي فوق سبق المطايـا=وكانت عليه كون قوم ٍ علـى قـوم
وشانت حوالي عقب شفت الضحايا=سنين عمري حيث فالعمر مخصوم
وشان السعد من عقب زين الحلايـا=حتى قلب حزن ٍ معه صرت ملزوم
وضاقت بعيني واسعـات النحايـا=واحترت في ممشاي والدرب مشئوم
وقلـت بيمنايـه كثيـر السـوايـا=بين الخطا والصح تلعب بي وهـوم
مـاودي اجامـل جمـوع البرايـا=على حساب النفس ماهمنـي لـوم
اليا متى ساكـت واهـاب الحكايـا=ونقالهـا ماتتركـه دايـم الــدوم
اليا متى منـدس خـوف الزرايـا=وراع التزري طير مايترك الحـوم
ولاودي اربـض فالحـلال الدنايـا=وعيني تخايل ديرة ٍ حلـت رجـوم
هناك حلـي فـوق روس العلايـا=وانا عن الهين من اطباعي اشـوم
هناك حلـي ميـر دونـه حجايـا=اربع نجوم ٍ غصب ماتنقص نجـوم
يالله ياعـالـم جمـيـع الخفـايـا=تفرج لعبد ٍ من عناالوقت مهمـوم
قلـل بحسنـاتـه وزاد الخطـايـا=وزاد تعذيبه لين قلـل بـه النـوم [/poem]
[align=center]سياف العتيبي
وسلامتكم واعذرونا على القصور[/align]