بسم الله الرحمن الرحيم
أسعد الله أوقاتكم بكل خير
جديدة .. للتواصل مع قلوبكم النقية
لكم حرية البحث عن تفاصيلها ,,, كل ما اعرفه أنه ( لي فيها مآرب أخرى ) ..!!
الســيـــف
[poem=font=",6,darkblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
السيف رمزي والفخر والمحبه = وين اللبيب اللي يعرف الاشارة
لاتسألون شلون لاقلت احبه = أحدن يسائل لاكتب في دياره ؟؟
اتنفسه مع كل نسمه و هبّه = واستنشقه من دون طب وعطاره
ياسيف لو تاتيك أدناة سبّه = يضرب مؤشر غيرتي بإحمراره
تبدا شياطين الخفوق اتـّـنبّـه = وتبدا خلايا المخ تفرز عصاره
وتثور ساعاتي بليّا منبه = مع كل بلعة ريق سم ومراره
واصير كني ماكلن لي مطبه = ومكيّم الطبلون راكب غمارة
احفظ لسانك بين فكّيك خبّه = ياما تطير رقاب سبة عبارة
ماكل فعلن يمكن اني اجبه = لايخدعك صمت المحيط بقراره
السيف شامخ فوق سبحان ربه = مايقربه الا ذوين المهاره
نصله يأدب من يحاول يسبه = فكر قبل تفرط حبال الستاره
الكوع اقرب لو تحاول تحبه = من انك تطوله وتاصل سواره
السيف تاجي والفخر والمحبه = وين اللبيب اللي يعرف الاشارة[/poem]
وسلامتكم ,,,
.
.
.
صالح المرزوق