بسم الله الرحمن الرحيم
كم أنا في في حاجة العذر منكم وفي أشد الأسف على غيابي
فأنتم خير من يعذر
هنا ألتقيت بخير الناس فمهما طال غيابي لابد لي من عوده ولو لمجرد التواصل
أقدم لكم هذه المتواضعه مقارنة ً بذائقتكم الراقيه
[poem=font=",6,white,bold,italic" bkcolor="black" bkimage="" border="groove,7,white" type=2 line=0 align=center use=ex num="0,black""]
طاح الحطب والراس ماخليت به لو حطبه=أثر الهزيمه في بعض لحيان مثل آلانتصار
طاحت مشاريهي على رمضى السنين المجدبه=وجيتك بعد كانت مشاريهي على الرجعه كبار
أشعب ذلول الشوق كني ناسي أسمي وإلقبه=ماسك رسنها ماتميّل لايمين ولايسار
شاعر عيونك حطها في لحيته ثم شنبه=عمر الهوى مايعترف لابالكبار ولاالصغار
جيتك كذا مدري كذا من دون لااشعر وأنتبه=حافي قدم وأركض على رمضاك في وضح النهار
جيتك وعلمي بالعتب راس القلم يوم إشطبه=مات العتب في روس الاقلام ونحرته لك جهار
من ضيقتي ضاق القلم والطرس فوق المتكبه=حتى السما ضاقت وضاقن الفيافي والديار
وجنك بنات الفكر حسب الموقف وحسب إطلبه=روضتهن في ساحة التفكير ترويض المهار
تسابقن يمك بنات الفكر واللي يجلبه=من تجربة شعر وغرام وتجربة برد ٍ ونار
أصيل فكري لقح بطون القصيد المنجبه=قام يهدر يوم القصيده جات يدفعها الجسار
بنات بطن ٍ من ظهر حر القصيد ومنسبه=وأكيد ماجات الحرار إلا من ظهور الحرار
ياصاحبي والشعر فوق الطرس وش كان سببه=إلا أنت ياللي سقتهن لجلك كما سوق البكار
تساهل اللي ينجبه فكري ويفداك تعبه=يا أغلى من أغلى شي حتى لو تصل سوق العمار
غلاك في جملة حياة العمر لو جيت أعربه=تبرك ركاب النحو من كبر المهمه والوقار
وإن شفت في عيني بريق الدمع لاتستغربه=ترى الغلا بكّى خفيفين وثقيلين العيار
جيتك كذا مدري كذا من دون لااشعر وانتبه=أشعب ذلول الشوق يمك لايمين ولايسار[/poem]