[poem=font=",6,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
واقلبـي اللي هموم الوقت دارت عليـه = اليا انتهى هم جاك الهم الأخر وراه
يزود نبضه ودقه من كثر مايحويه = مما يسمى يبو سلوى ضروف الحياه
اضروف تنحى الرجل عن شفه اللي يبيه = تمشى على عكس مشهاته ولاهي وراه
والرجل منوته عيشه في كنف والديه = لاشك سود الليالي ماتحقق مناه
ان التزم بالوضيفه عنهم اتصد فيه = وان فكها وش يفكه من كلام الوشاه
اللي تشم الخبر وايضا تزود عليه = تمشي ورى الشر والا الخير ماهي وراه
ولو يفصل الادمي والله لو انه نزيه = قالو سبايب فصوله ياكل امخدراه
لاشك ياقلب دوك العلم واحرص عليه = وصيتن قالها لقمان نعم الوصاه
وصيتن قالها يوصى عليها بنيه = الصبر محمود وان الصابر الله معاه[/poem]
والسموحه عن القصور