اقرب يالاطلسي

[خالد بن محيل]

السلام عليكم ورحمه الله وبركاته انا هذي اول مشاركه لي معكم
اتمنى ان ترتقي لذائقتكم

استلم يالاطلسي

ياسلامي سلامن عد حب الرمال****وعـد مالاح برق وهل هـمالها
الهنوف المسمى تنتخي بالرجال****عقب ياالاطلسي ماضاعت احوالها

[الاطلسي]

[poem=font=",6,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
مرحبا والسواني جذبها بالحبال=والهنوف امها ما ضمت اعيالها

من تعب في حياته لين يجمع حلال=كل عينٍ تكحل زاع هملالها[/poem]

[درموح]

الله اكبر


اي يالهنوف


متاابع

وفي صف اللي انا في صفه

[احمد مناحي]

خالد بن محيل

هلا بك وغلا

عزالله طاروق كايف بيض الله وجهك

الاطلسي

كفو والله

متابعين لكم

وبانتظار امسيه رائعه

وفق الله الجميع

[أبوعبدالرحمن]

صحت قلوبكم جميع

ومتابع معكم

[خالد بن محيل]

[align=center]امها ياصحيبي ميته فالقتال****بين صكاكها ما عِرف قتالها
خلها ياصحيبي فال بعد العقال****ماعرف جنها ماعرف عقالها[/align]

[الاطلسي]

[poem=font=",6,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
الرحا تستدير ودورها بالعدال=والشهور الكسيفه بين اهلالها

بين شرق وجنوب وغرب والا الشمال=الموازين مالت كيف عدالها[/poem]

[خالد بن محيل]

يا اطلسي رايكم يثير شك وجدال****والشهور الكسيفه غيبها اشوالها
العدال العدال احضورة اكبر محال****القمر كملته شعري تحرالها

[الاطلسي]

[poem=font=",6,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
اجمع القوم وارفع بيرق الاحتفال=زيد صفق لها واعبيد غنا لها

قسمو ورثها ما بين عمٍ وخال=والاصيله تعثر حظ خيالها[/poem]

[عوادالعلي]

[poem=font=",6,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
الشاعر =خالد محيل
ياسلامي سلامن عد حب الرمال=وعـد مالاح برق وهل هـمالها
الهنوف المسمى تنتخي بالرجال=عقب ياالاطلسي ماضاعت احوالها
الشاعر =الاطلسي
مرحبا والسواني جذبهـا بالحبـال=والهنوف امها ما ضمت اعيالهـا
من تعب في حياته لين يجمع حلال=كل عيـنٍ تكحـل زاع هملالهـا
الشاعر =خالد محيل
امها ياصحيبي ميته فالقتال=بين صكاكها ما عِرف قتالها
خلها ياصحيبي فال بعد العقال=ماعرف جنها ماعرف عقالها
الشاعر =الاطلسي
الرحـا تستديـر ودورهـا بالعـدال=والشهـور الكسيفـه بيـن اهلالهـا
بين شرق وجنوب وغرب والا الشمال=الموازيـن مالـت كيـف عدالـهـا
الشاعر =خالد محيل
يا اطلسي رايكم يثير شك وجدال=والشهور الكسيفه غيبها اشوالها
العدال العدال احضورة اكبر محال=القمر كملته شعري تحرالها
الشاعر =الاطلسي
اجمع القوم وارفع بيرق الاحتفال=زيد صفق لها واعبيد غنا لها
قسمو ورثها ما بين عمٍ وخال=والاصيله تعثر حظ خيالها
[/poem]
لله دركم يامبدعين

[خالد بن محيل]

كيف نفرح وراعي المهرة اليوم مال**** وزيد وعبيد شله ماعرف جالها

البحر هاج موجه عقب وقت الزوال****وانصرت ربعنا العذال عذالها

[الاطلسي]

[poem=font=",6,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
من يدور الاجابه ينتبه للسوال=كيف تومي بها وتعود تشتالها

الحقيقه حقيقه والروايه خيال=من يبي حاجةٍ لابد يسعا لها[/poem]

[خالد بن محيل]

صح السانك يالاطلسي والله اني استمتعت معك في المحاورة هذي
اتمنى ماجا مني شي يزعلك والظاهر ان القاف شاب
اخوك خالد محيل العتيبي

[الاطلسي]

صح السانك يالاطلسي والله اني استمتعت معك في المحاورة هذي
اتمنى ماجا مني شي يزعلك والظاهر ان القاف شاب
اخوك خالد محيل العتيبي

ارحب يا خالد وصح الله السانك ولا جا منك الا كل زين

وعز الله اني استمتع بها الطاروق