صباح الخير والتقدير
للتواصل معكم اتواصل
واتمنى اقل رضاكم
واعجابكم
لاغير
[poem=font="arial,6,blue,bold,italic" bkcolor="transparent" bkimage="" border="groove,8,limegreen" type=2 line=0 align=center use=ex num="0,black""]
لليل الخميس اللي مضي مابعد دار=ونفسيتي كانت بكامل سعتها
ضاقت بعيني لليلها كل الاقطار=وكتبت لي كم بيت في كارثتها
من بنت من جمالها راسي اندار=ضعت برمووش عيونها وسلهمتها
الله وكبر تطرح الطير لاطار=بعيونها اللي والله ماكحلتها
حورية(ن) يسلب حلاها للانظار=شبت بكبدي نار لي وشوتها
شوية دجاجه وسط شواية النار=لازود الشواي نار(ن) تحتها
قريت انا بعيونها اسرار واسرار=وضاعت علومي من تبسم شفتها
والله لو ماسرع قريت الاذكار=لاموت يمكن من حلاة اضحكتها
ماتدري اني من طويلين الاشبار =وماتدري اني كنت ماني جهتها
وماتدري ان الحب والشوق جبار=لين انها ابيات القصيد اطربتها
سبحان رب الكون علام الاسرار=رب(ن) خلق زين الحلا في صفتها
سريت انا من بعدها لليل الاشعار=والشوق يحداني على ترجمتها
وصغت بسببها ياعرب عذب الافكار=وكتبتها برساله استقبلتها
على عجاله ياطويلين الاعمار = وياسرع ماوصلت وهي تصفحتها
ومن بعدها ثار اللي بصدرها ثار=ومن كثر ما تقرى لبست منظرتها
وقالت قسم بالله شاعر وبيطار= وافكار شعري كلها لامستها
وتقول شاعر عذب منته بثرثار=وقامت تحلف اني على ذائقتها
وصارت لها باالصدر حشمه ومقدار = قسم برب الكون ماتوقعتها
حبيتها حب الكرامه للاخيار =من ساع ماابيات القصيد ابهرتها
وحبيتها حب الرذيله للاشرار =لاصار ولد اللاش غاية بختها
ونثرت ورد(ن) من قصيدي مع ازهار =لكن نصفه ماتجه ناحيتها
والشوق قام يحزني حز منشار=وانامن الشوق تخيل سمتها
وصحيت من حلم(ن)تحلمت به صار=وسميت بالرحمن من مشكلتها
[/poem]
وسلامتكم