اليوم نقلت لكم هاذي القصه لخوينا الحاشي
كان فيه إبل ومن هذي الابل حاشي مراهق ممشوق القوام اشقر اللون كثيف الشعر على الرقبه
والحلق والرأس وذروة السنام
يمشي متبخترا بجماله ( ولا رامي عياش هههه ) كل همه يتندح بين هالنياق الصغار خاصه ( البكار ) ..
مرت الايام وهو على هالحال همه اكل وشرب وغزل في هالنياق ..
يوم جا ذاك اليوم على عادته الى هالناقه واردة الماء وتبي تشرب قال هذي فرصتك
قام وفتح لها حنفيه الوايت كلها قال .. اشربي يلعن ابو الفقر
شربت الين رويت ومسحت شفايفها بمنديل عشان مايتلعوط الروج
وقالت الله يعطيك 1000 عافيه ،،قال الحاشي :
علشانك تحملت الصعايب =اذوق المر لأجل رضاك حالي
- ابتسمت الناقه وصكته بذيك النضرة اللي بغت تجيب اجله .
- تنهد وقال :
الله اكبر كيف يجرحن العيون ** كيف مايبري صويب العين ابد
احسب ان الرمش لا سلهم حنون ** واثر رمش العين ماياوي لأحد
يوم روح لي نظر عينه بهون ** فزله قلبي وصفق وارتعد
- ضحكت الناقه ودرت انها لعبت في قلبه .. عطته وراها ومشت على هونها وهي تومي بذيلها
.. يمين ويسار .. وقلبه يروح يمين ويسار .
- قال : اااااااااااه .
وانعطف هاك الشعرفوق المتون ** وانثنى عودة وقفى وابتعد .
طال الليل على خوينا الحاشي متى يجي الصبح ؟؟
.. كل شوي يطالع في ساعته ماصدق انه يسمع الراعي يأذن .. طمر من محله وراح يدور عن الشبك وهو يطقق خفوقه ..
ويروح ويجي الين جا النور وجا الراعي وفتحلهم .. ماصدق خبر وراح يم الوايت يحتريها تشرب الا جا الراعي .
قال الراعي :
خير انشالله اشجايبك انت وخشمك كل هذا ضما ؟؟
قال الحاشي : هاه لا ابد مافيه شي بس طاح الكبك امس هنا وجيت ادور عليه .
قال الراعي : اقووووول انت براطمك ذي خخخخ بلا استهبال كبك وانت عليك ثوب ساده
وبعد ماغيرته من يوم ماجابتك امك .
يالله ضف وجهك مع البعارين ،، لقط خوينا وجهه وراح .
قال الحاشي : زين انها ماسمعت كلام الراعي لو سمعت كان ماتعطيني وجهه مره ثانيه.
المهم وهو يكلم نفسه اللا هاذي رفيقته قابلته وجه بوجه شهق( اما بعير يشهق كثرلي منهاههه )
وقال :
كفاني عذاب الله يجازيك بأفعالك ** جرحت الضمير ولا طرالك تداويني
- ضحكت الناقه ذيك الضحكه اللي شغلت قلبه وقالت :
ياعل قلب ماشكا الحب والتاع ** تنهار من فوقه محاني ضلوعه
ياما نهيت القلب لاشك ماطاع ** ماطاع يدله والليالي تلوعه
أثر المولع دمعته تجرح القاع ** واللي ذكر مافات هلت دموعه
ايييييييييييييييه .. الحين تأكد الحاشي انها تبادله نفس الشعور .. ارتاح خاطرة واسفهل وماعاد خذته الدنيا ..
مرت الايام وكبروا وكبر حبهم معهم وفي يوم من الايام
وهو قاعدين على الطعس الاذيك الناقه العفرا .. طير عيونه رفيقنا مشبهه عليها.. مهوب قصده شي
انتبهت له الناقه خويته قالت :
خلها تنفعك ياخاين.تفكر نياق الناس عندك لعبههه ،،قال : وقفي اشرحلك الموضوع .. التفتت عليه وقالت :
مدام قلبي لك شفوق وميلاف ** وراك ياخلي قليل المروفه
قلي عسا مابه على الخاطر خلاف** عسى حبيبي ماقصر دون شوفه
لا لا تعسر القلب في كل محراف ** واحذر يجي عقب الموده حسوفه
دوك الدموع بحاجر العين وقاف ** لا انت بماسكها ولاهي ذروفه
تحسف ابو الشباب وقال :
لك حق تزعل ثم لك حق نرضيك ** مااقوى زعل حبيب قلبي وعيني
مادام قلبي ياريش العين مغليك ** اطلب ولك روحي وما في يديني
يوم الله احسن صورتك خصني فيك ** فيك الجمال وصادق الحب فيني
وقفت وتبسمت .. وارتاح خاطرها .. وهو تنهد قال هاه طاح الحطب ؟
قالت آاااه يااااني لو كنت أأدر أسيبك (شويكار مهيب بناقههه )
وعاشوا في سبات وثبات وخلفوا حواشي ونياق.
.
.
.
.
.
واتمنى لكم وقت ممتع , ,
بعد غياب طويل اعود لمنتدى الفرفشة:مزون:
رد مع اقتباس
المشاركة الأصلية كتبت بواسطة بانا سعوديه
