مساءكم سكر :
.
.
( مدخل )
.
.
[poem=font=",5,blue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
سلام ياأصحابي هنا دون تفصيل = اللي رغم طول الجفا مانسوني !!
ألقى لهم . . إذا تصفحت الأيميل = رسايل ٍ عن غيبتي يسألوني !!
عندي قناعة ثابته رغم ماقيل = ولاعليكم أمر .. لو تسمعوني !!
(( أغيب لكن مايتوقف غرابيل = المشكلة لو يتوقف بدوني )) !![/poem]
.
.
أخر ماكتبت .. بعد ستة أشهر غبت عن عالم الانترنت فيها .. تمنياتي أن تنال الرضى :
.
.
.
[poem=font=",5,blue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
أجمل تفاصيل الحزن منقاده = لعيوني اللي بالسهر مفتونه
والبارحة ماهيب مثل العاده = بالذكريات الرائعه .. مشحونه
كني غريب ٍ .. والقصيد بلاده = لاضاقت الأيام .. غنّى لحونه
على لحن ماغنته ( ميّاده ) = الفن ياخذ من حلاه فنونه
الليل عشاق الحزن رواده = والقلب ( صفحه) والحزن ( أيقونه )
والحب مايلغيه .. قو إراده = أقسى من ( السم الزعاف ) طعونه
ماينشرى بخاتم ذهب وقلاده = ولايندفع لو الخلايق دونه
حربه على العشاق حرب إباده = واللي نجى .. نهايته بـ ( سجونه )
وبين السجين ومن سجنه عباده = وعلاقة ٍ عن الغدر مصيونه
الحب مايعرف شعوب وقاده = من يأسره الله يكون بعونه
وأنا تعب قلبي وطول جهاده = من الهنوف ( العاقل / المجنونه)
جمالها ماهو بحال إشاده = لإنها بالمختصر ( مزيونه ) !!
يالمترفه ياأجمل ( بنات الساده )= ماكل نظرة طاغية .. مأمونه
وإلا أتصالك من سنه وزياده = ألهب مشاعر خافق ٍ مدفونه
غاليك نظرات الدلع تصطاده = مثل إصطياد الشوك للـ( بالونه )
الليا تهيّض للحنين فواده = وطيفك يداعب مسمعه وعيونه
لقاك يامعنى السهر .. يالغاده = مثل الغريب اللي نسى مظنونه [/poem]
.
.
وسلامتكم !!
.
.
منصور الحربي ( مغترب )
27/12/2008م