[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الله يصبّح وجه حضرتك بالنور=والله يمسي حضرتك يا الغضي بخير
مشكور من قلبي على الحب مشكور=تستاهل عيونك شهادات تقدير
أصير أنا مسرور لا صرت مسرور=والجو لا من ضقت يغشاه تعكير
حتى القصايد ما تجي فيك بالدور= تسابقت يمّك على غير تفكير
ملكتني إحساس وإبداع وشعور=أول نهاري وآخر الليل وعصير
أحيان يطربني حبيبّ ومستور=وأحيان أعيش الحب مع صوت أبا الخير
ما صرت أميّز بين جابر ومجبور=لا من ذكرتك ضعت في زحمة السير
أفارقك يومين عن تسعة شهور=وأقابلك وأنسى هموم المشاوير
من قبل ريقك ضعت في عيونك الحور=ما كنّي إلا طحت في غبة البير
والوجه ما يحتاج فنان ديكور=مرسوم خلقة بالدلع والتعابير
والجرح يشفى بدون وصفات دكتور=بيدينك إلا ما عليها مناكير
لو بتشتكي زينك على ( بوش ) بيثور=من دهشته يشكي على ( توني بلير )
مدري أنا غيرك على ويش مغرور=دامك خذيت اللي يفاخر به الغير
ما عاد تنفعني إلى قلت لي شور=لا قولتي ( لكن ) ولا قولتي ( مير )
أنا تحت أمرك ولاني بمعذور=أمرك مجاب ولا يبي الأمر تأخير
( بونجور) يا اللي أحب صورتك ( بونجور) =بأغلب لغات الكون أصبّحك بالخير[/poem]