[poem=font=",6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ليل الشتا سم حال اللي همومه ثقال=لا صار نوم العيون امعيٍ ٍ ايطيعها
ايقلب الذاكره وانا ما فيني احتمال=ما عشت من دنيتي..الا مواجيـــعها
لو الفجر يسمع النخوه...نخيته تعال=يا فجر عجل..همومي منفتق ريعها
أخيطها من جنوب وتنفتق من شمال=أزريت ارقع افتوقـــن صعب ترقيعها
على كثر قلة الاحلام صارت محال=قلت مداخيلها..و كثرت مشاريعها
ارقا باسمي واسم جدي على كل جال=واصمل على عزتي وامووت مأبيعها
مأعرف من الكيف غير امبهرات الدلال=ولااجهل سوى الخمر والكوس وقراقيعها
لو ان الايام... تعطيني شوية مجااال=حرام لأستغنم الفرصه ولا اضيعها
يا ظما كبدي على وردة هذاك الزلال=و ياوجد حالي على الري بمرابيعها
اشوفها طيف لو هي صدق ماهي خيال=تخطر قدم عيني القشرا..مجاميعها
يأحجاجي اضحك لو ان الضحك كثرة هبال=وأذبح كبش نذر للضيقه وتوديعها
ما عاد فيني كدر..والليل لامنه طــال=من حــظ من تشهد الارض ابتراكيعها[/poem]
أخوكم الشاعر / راشد الاطرم
رد مع اقتباس
المشاركة الأصلية كتبت بواسطة راشد الاطرم
