صباح الخير
شلونكم عساكم بخير :)
وكل عام وانتم بألف خير ان شاء الله
اليوم سلمكم الله ودي (اضع بين اياديكم )< مثل مايقولون بالفصحى 00 هالمتواضعه
اللي اتمنى تنال رضاكم بعد هالغياب
[poem=font="simplified arabic,4,black,bold,normal" bkcolor="transparent" bkimage="http://www.g111g.com/vb/mwaextraedit2/backgrounds/26.gif" border="groove,3,gray" type=1 line=0 align=center use=ex num="0,black""]
ياوجودي وجد عود(ن) ميّت(ن) أغلى عياله=ماتكف دموع عينه فالصباح وفالعشيّه
وياوجودي وجد شخص(ن) ماحصل له راس ماله=من بعد ماطب سوق اهل الأساليب الرديّه
وياوجودي وجد منهو مات ابوه بيدّ خاله=وان لمح حزن العجوز يحس هالدنيا دنيّه
آآتوجّد يوم قلبي ناظر الهم وعناله=امتطى صهوة جواد احساسه لدرب الخطيّه
ماعرف يكبح جماح الحب في لحظة جهاله=يحسب انّ الصدق للعشاق ميزة سرمديّه
من كثر ماشاف قلبي ساق حرفي واشتكى له=علّ من يقراه يفهم وشهي أبعاد القضيّه
صار لي كم عام من زود السهر للعين هاله=من سبايب خلّ(ن) اقفى تارك جروحي نديّه
ان بغيت اوصف غرامه تعجز ابيات الجزاله=فاق عشق ابن الملوح في خفوق العامريه
لاطرالي صرت كنّي شاعر بقمّة خياله=وامطرت مزن المشاعر فوق صحراً جرهدية
لين تعشب في خفوقي كل ذرة من رماله= واعجز أوصف له شعوري بالحروف الأبجديّة
ياحسافه كيف باع الحبّ يوم ارجي وصاله؟=كيف زيّف لي شعوره ؟ كيف والنظره بريّه؟
حسبي الله كيف ماطوّل حبيب القلب باله؟=كيف بدّل نبضة العشق بخفوقي بألف كيّه؟
كيف يطعن واحد(ن) صانه ولا دوّر بداله؟=كيف شمّت بي عذولي ؟ ليه يبدا بالأذيّه ؟
كيف ينسى عشقنا اللّي واصل(ن) حدّ الثماله ؟=كيف ينسى لهفة الحب ويدينه في يديّه؟
كيف ؟ كيف ؟ وليه أسأل ؟ دامي ادري كيف حاله=سالي ويضحك ولاهمّه وش اللّي صار فيّه
ولا ّ أنا عزّي لحالي كل من شافه رثاله=اضحك ومن شاف ضحكي يؤمن بـ(شرّ البليّه )
راح ياجعله سعيد وياعسى دربه سهاله= راح جعل الله يسامح قلبه ويستر عليّه [/poem]