بسم الله الرحمن الرحيم
عوده بعد غيبه
اقدم لكم هذه المتواضعه لنيل الرضى والتواصل مع ذائقتكم الراقيه
,
,
[poem=font=",6,black,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
البارحـه غنيـت وسهيـل اليمانـي لايـزال=في عيني أقرب من جناح عمامتـي وعقالهـا
اليا طرقت الشعر غنيتـه وحققـت المحـال=والشعر ما غير حياة أهل الشعـر وأحوالهـا
تصتك في صدري ركاب الضيق من جال ٍ لجال=جتني بلا موعد وحطـت فالخفـوق رحالهـا
ماهي بضيقة حال ولا ضيقة ٍ من نقص مـال=لا والله ألا ضيقـة ٍ تحتالـنـي وأحتالـهـا
سيقت عليه من كفوف البارحه سوق الـدلال=ياليلة ٍ قامت على الشاعـر تسـوق دلالهـا
وإن قلت لا لا بس قالت هاك ياولـد الحـلال=والله لتشرب دلـة الضيقـه علـى فنجالهـا
يابنت لا هبت علي الريح من صوب الشمـال=وش عاد لا قالو يشـوف الضيقـه ويعنالهـا
حتفي على كتفي حملته والغلا حتـى الثمـال=لين السنين القاسيه حطـت علـي أهوالهـا
وأضحيت أغني ياسقا الله كل يوم ٍ فالوصـال=قبل الضروف تحول بين العارضي ووصالهـا
يوم الغلا يدفعـك لحـدود التمنـي والخيـال=ماكنتي إلا روحـي اللـي فالعظـام أشتالهـا
واليوم غرك في زمان العولمـه كثـر الـدلال=النت والجوال وآخـر مـا صـدر فأجيالهـا
وتناسق الفستان مع لون الجدايـل والنعـال=وتناسـق المكيـاج والنـظـاره وجوالـهـا
والحفله ودق الموسيقه وانحـلالات الحبـال=وسواق كشخه فوق لكزس طالها من طالهـا
وأضحيتي أرقى سيدات العصر في ذاك المجال=وصار الغـلا دقـه قديمـه فيـك واعزالهـا
ماعاد يمشي سستمي مع سستمك فيه أختلال=وخرب برستيج الفتاه اللـي تهـاب اظلالهـا
يعني ماعاد أصلح لعصر العولمه في كل حال=وغلاي مايمشي على الموضـه ولا يرقالهـا
وأمسيت أغني من ضروف الوقت يالاله يالال=أنا ضحيـت طيشهـا وأسرافهـا وإهمالهـا
غنيت فيك أعذب طواريقي وغازلـت الجـزال=وأخترت لك من نقوة أفكار القصيـد جزالهـا
شاعر عيونك لاوطاه الليل وضروف الهـزال=أشعل قناديل الفكـر مـن ضيقـة ٍ يحدالهـا
شاعر ومتمكن ولا شـال الثقـال إلا الجمـال=والله يخلـي للحمـول الكايـدات جمالـهـا
ماني سوات اللي على قول العرب روح وتعال=ولاني سوات اللي من السرحـان زاد جفالهـا
العالم اللي غرهـا زيـف المظاهـر والريـال=تطري عليه ضيعـت البنقـال مـع بنقالهـا
اعطيك نبذه في فنون الشعر وأضرب لك مثال=وإن غرتك سود الليالي قولـي أحمـد قالهـا
والله لتحداك الضروف اللي ورى سود الليـال=ثم تذكرين الشاعـر اللـي ضيقتـه غنالهـا [/poem]