[poem=font="simplified arabic,5,darkred,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ترى وإن طاحت العبره على شخص ٍ مثل شرواك=حشى ماقول وإن طاحت خساره يانظر عينيّ
أنا أدري عبرة الرجال صعبه مير مايخفاك=إذا طاح الجمل كثرّت محدات السكاكينيّ
أجل لا تلومه أن طوّح عقاله وبتدىّ ينخاك=لعل إيدينك إن طالت تطول وتاصل إيدينيّ
عسى هذا الزمان إللي صمّل ياطاني ماياطاك=عسى الله يحفظّك من هالزمان اليوم ويبقينّي
عقب ماضاقت الدنيا الوسيعه من عقب فرقاك=ماباقي غير هالعبره تطيح وتحرّق إسنينيّ
سبايب عبرته ? لا صار مقهور ٍ من إللي جاك=سبايب عبرته ? لا فارق إللي معاهده دينيّ
سبايب عبرته ? لا صار مايقدر أبد ينساك=سبايب عبرته ? لا صار حظه طايح ٍ شينيّ
سبايب عبرته ? يوم القصايد وقفتّ تبغاك=تقول أوراقها البيض وقلمها لا تخلينيّ
كأن الشعر مايبغى طريق ٍ غير في دنياك=أجل وش يجبر إحروفه تقول أرجوك صونينيّ
نعم !! وش يجبر العين الشقيّه تسهر لذكراك=أمانه فكري بعمرك وإذا ممكن بعد فينيّ
لعلك لا رجعتيّ للزمان إللي مضى وياك=ذكرتيّ من يقول إنيّ فديتك بالبراهينيّ
فداك الدمع ياعذبّه وأنا راسي بعد يفـداك = فداك القلب مـع دم ٍ يضخّـك فـي شرايينـيّ
أنا إللي مبتداي إنتي ونهاية رحلتي مبداك=ولو أنك طعنتينيّ ما أقول إنك جرحتينيّ
غليتك زود عن نفسي وربعي وكل من أغلاك=وإذا منه خذاني الموت .. قولي إفلان يغلينيّ
ألا ياريحة أمي وعزوتي بلعون أنا أهواك=على رغم المسافه الحايله .. من بينك وبينيّ
ولد حر ٍ ياشيهانه يطيب إله الهدد لرضاك=وأظنك عارفه قصدي .. وترى عيب ٍ تناسينيّ
على الله يابعد روحي يسوق الدرب لي ممشاك=وأجيك من الدروب الغاديه وسط العناوينيّ
عقب ماضاقت الدنيا الوسيعه من عقب فرقاك=ماباقي غير هالعبره تطيح وتحرق إسنينيّ[/poem]
سطام الشمري
رد مع اقتباس
المشاركة الأصلية كتبت بواسطة خالد الممخور
![الصورة الرمزية ][ سما الدوحه ][](image.php?u=48711&dateline=1232456303 "الصورة الرمزية ][ سما الدوحه ][")
