من عذابي قلت لعيونـك هـلا
ياهلا بك يا عذابـي يـا هـلا
ما يكفّي لوعتي بك من غلاك
رحت تبعد عن عيوني يا غـلا
تحسب إني ساليٍ مثلـك وأنـا
في هواك الله حسيبك مبتلـي
ما يسلينـي مكـان ولا زمـان
لا ولا غـيـرك حبـيـبٍ لا ولا
قلبي اللي ما يطيع لمن بغـاه
من نظر عينـك تعهّـد بالـولا
صار لك بالقلب مرباع ومصيف
يوم غيرك عن مرابيعـه جـلا
فيه لك مقيال عن حر الزمـان
و الدفا عن برد شملـه بالخـلا