لكم الجديد
[poem=font=",6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
المصوت ضاع بين المنادي والمجيب= ذا جزاء من يارد العد بحبالِ قصار
الوجيه اللي عن الواجب اللازم تغيب= ماتحوش من المراجل سوا قل الدبار
في زمانِ كل ما أضن به ظنِ يخيب= وكل ماكنت اتوقع مع الأيام صار
ضاق صدري وأنت ماضقت يالكون الرحيب= الأمر لله والحكم لطوال العمار
لاتعجب يالبنادم من الوقت العجيب= الصغار صغار لو طبقو لعب الكبار
القريب بعيد والإ البعيد اصبح قريب= والتجارب درس تؤخذ بعين الأعتبار
والجروح اتطيب واحيان لايمكن تطيب= نصف اهلها في المقابر ونصفِ في شهار
اتقارب مطلع الشمس من حد المغيب= واتباعد وقفت البوم في صف الحرار
لويصدقها الغبي مايصدقها اللبيب= فيك يالوجه المزيف والاسم المستعار
اعتبرها أبلغ نصيحه وسرك في قليب= وحط عينك حدر رجلك أوجهك فالجدار
وحط جنب اسمك علامه وفوق اسمك صليب= مايليق بدلتك زعفران ولا بهار
وستمع يابارد الوجه لخطاب الخطيب= وانتظر مني الاجابه وتصدير القرار
انت كيف اتطيب والطيب مالك به نصيب= لوسرقة اكبر سفينه وغيرت المسار
ابك درب الجود عسرِ على مثلك صعيب= انت بالنسبه لك الجود يعني الانتحار
منت خيال العشاير وموميت السبيب= انت بيتك بسفل الظلع وحصانك حمار
كل مدحِ فيك بدعه ولا بيتِ مصيب= التمس تكفير ذنبي واقدم لعتذار
عن خطاي بحق شعري قبل يومِ عصيب= عند غفار الخطايا الياشتد الحصار
والصحيب اللي على اليسر والشده صحيب = له جزيل الشكر مع كل تقدير اوقار
في زمانِ فيه حتى الغراب اصبح يشيب= لا ومنه الذيب قالو تعوذ وستجار
والختام انهايت القول للشاعر الاديب = الرساله واضحه والمعاني بختصار
واثنى والشكر للي على خلقه رقيب= من عظايم قدرته يولج الليل النهار[/poem]
وسلامتكم