[align=right]السلام عليكم ورحمه الله وبركاته
اعذروني على الغياب الغير متعمد
الى سمو الشيخ محمد بن راشد أل مكتوم
وأبنائه الكرام // حمدان بن محمد وأحمد بن محمد أل مكتوم
المهره اللي عرضـت للرجاجيـل
يابخت منهـو يالنشامـي عسفهـا
خيالهـا يـوم العنـا والغرابـيـل
يمسح نحرها .. قبل يلكد طرفهـا
في وصفها غنت جميع المواويـل
والشاعر اللي في قصيده وصفهـا
عمر وصفها مثل وصف الهماليـل
اللي تلوح بروقهـا مـن شغفهـا
اليا هذبت شفت التعاسه على الخيل
تطوي مسافات الخلا مـن ترفهـا
عليا سبيب يغار من وصفه الليـل
إيذوب بيـن احضانهـا وبكنفهـا
واليا اخبطت امن العرق مية النيل
جاها كحيـلان الخيـول وغرفهـا
الراس كنه شعلتـن وسـط قنديـل
والمنخر الواسـع دلايـل سلفهـا
وعيونها تلمع مثـل لمعـه سهيـل
واذانهـا سبحـان منهـو نصفهـا
والظهر كنه وادين جارفـه سيـل
وشيليلها يومي على مـن جرفهـا
بالكيلو تسابق مع الريـح والميـل
نوبٍ تخطف الريح ونوبٍ خطفهـا
تمشي اللدوح ومشيها طيح الحيـل
والله اكبـر للعـيـون وجحفـهـا
ماترتع الا فـي كبـار المداهيـل
في روضتن خظرا مولـي سعفهـا
مرباعها عند النشامـا الحلاحيـل
عيال ابن راشـد مزبـن شرفهـا
حمدانها يوم الوغى طلـع دربيـل
بظهر الكحيلـه والبنـادق ردفهـا
واحمد ليا منه ثقـل تالـي الشيـل
مثل القطن حمل الصعايـب ندفهـا
عيال الزعيم اللي حرث جمه الجيل
محمد بـن راشـد ونعـم لخلفهـا
راع الكفـوف مكلـلات الاكاليـل
دمعه على عيـن اليتيمـه ذرفهـا
يمناه ماشحـت فـيـوم البهاذيـل
يمناه في يـوم المصايـب سرفهـا
وقصيدتي ماهي بحاجـه لتحليـل
مانشيتها واضـح وكلـن عرفهـا
عن مهرتن تسوى العيون المظاليل
واللي نكرهـا اشهـد انـه لقفهـا
ياليتهـا عنـدي وادوج بزعبيـل
وهي اتحمل كل شخصـن كرفهـا
بس الفقر خلـه جميـع الولاويـل
تظرب على راسـي وزود علفهـا
وسلامتكم
عمر اللهيميد
__________________[/align]
رد مع اقتباس
