..
السلام عليكم ورحمة الله وبركاته ,,
نتواصل في هذا القسم العريق بأهله ونرجوا ما نطرحه ينال أعجابكــم إليكم .
[poem=font=",5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يطربني المسيـار بـأرض خليـه=دار الحياء شوق الرجال الطحاطيح
ياجعلها بالسيل صبـح وعشيـه=من وبل همال المزون المراويـح
يسقي ثراها مـن حقـاق برديـه=ينبت بها النوار والربل والشيـح
أليـا طرالـي فالمناهيـج نـيـه=خاويت قوم مابهم نـذل وشحيـح
أهل الولع وأهل اليديـن النديـه=وأهل الحرار مباعدات المشاويـح
اللي لهم فالوقـت روحـه وجيـه=نوبٍ مراويحن ونوبٍ مساريـح
الله علـى نـون تنشـا نشـيـه=وركوز مزنه فالمناشـي مطافيـح
برقه طوال الليـل نـارٍ لظيـه=ودوي رعده يجفل الفطر الفيـح
سيله جديد ولا وطى القـاع زيـه=وأرضه قفر مابعثروها السواريح
متخالطٍ نبتـه ويرتـع رعيـه=وطلع الزبيدي في وصوفه دراميح
وتلقا الحباري منـوة الصيرميـه=شيهانـةٍ ماقرنسوهـا المشافيـح
يأهل الجيوب اللي لهـا مقدريـه=والكل منها يسبق البرق والريـح
سوقوا بنا في فياض نجد العذيـه=نبى نسج الرجل فالأرض ونسيح
سج القدم فالبيـد والـروح حيـه=يشفي قلوبٍ من زمنها مجاريـح
يالله طلبتـك وأنـت رب البريـه=خيرٍ يعم .. يبدل الدهر ويزيـح
[/poem]