لكم مني الشكر والتقدير .. ولي منكم العذر على التقصير
[poem=font=",6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
تباطيتك والامني تباطيتك تعال تشوف = لاجل ماتشره ان ضايقتك بكثرة تنشادي
انا في غيبتك شكلي على خبرك (عريض كتوف) = ولكن داخلي ثارت به همومي من زنادي
اخايل فالسماء غيمك عساه يجود لي بقنوف = وانا ماشحت غيومي ولا برقي ورعادي
وش الضيقه..وش الحسره..وش جروحي..ووشهو الخوف = انا في غيبتك كل الحياه تزيد بعنادي
تمثنت صدري سيوفك وانا اللي لاحملت سيوف = تطاوعني كثير من السيوف ويقْصر معادي
تصدر بي كثير ظروف وتارد بي كثير ظروف = ولايشغلني الاانت وافكر وينهو غادي
اشوف انك تجافيني ولالك للجفا مكلوف = مع اني اقدر اسعادك مثل ماتقدر اسعادي
تواصوبك قليلين الاصل نكارة المعروف = وانا ماني قصيّر شبر لكن عادة اجدادي
ماهي تنزل مواطي كل متردي ولا ملقوف = وتدمح زلة اللي ينثني لو كانه البادي
تسيدت المشاعر لين واليتك عهد وحلوف = وانا مسلم سعودي ماعصى في طاعة اسيادي!
تخيرتك وأمنتك على اغلى شي وسط الجوف = وضعت وضاع من ضيعتْك ولا رجعته فوادي
يقولون التعب مخلوف ليت ان التعب مخلوف = مادام انك تجازيني على كثرة توجادي
تباطيتك وكانك لاتباطيتك ماعاد تروف = تعال اشهد مراسيم المفارق واحظر حدادي[/poem]