[poem=font=",5,,normal,normal" bkcolor="transparent" bkimage="http://www.g111g.com/vb/mwaextraedit2/backgrounds/7.gif" border="none,4," type=2 line=0 align=center use=ex num="0,black""]
يامال قلب(ن)مال ميل الجذع مع صلف الرياح=قامت تهزه لين جاله من عروقه طقطقه
قلب(ن)مولع من قديم الوقت مايوم استراح=من شبته فيه الغرام الي لجابه وحرقه
ود(ن)لجابه من عشير(ن) قسم من نور الصباح=وليا بغا يدرق شعاعه بالعبايه ماادرقه
كن الرموش العكش فيها صف من روس الرماح=اليا التوت بالقلب تقسم بالولي ماتفرقه
والصدر به صاحب يمازح صاحبه مزح(ن) مباح=العود والكادي ليا منه تعب ريح عرقه
والقد راك(ن)ماشرب من بذرته غير القراح=والردف كنه ماسكه بالصدر ملفوف حلقه
والعنق عنق ادمية(ن)شمت مع الرجلي سلاح=مد الزوال الطير في كفه ويتليه سلقه
والقرن كاس(ن)نصف عود الراك يالله الفلاح=كن الثريا يوم احليها جميع اب مفرقه
لوبان من شدت نعومة ملمسه للشمس ساح=منه النحل في غير وقت العشب يلقا مرزقه
الؤلؤ والمرجان والياقوت والموت الذحاح=فالبنت والقلب المعنى ود هذي يطرقه
تعبت لا اكمل وصفها ون جا تقاصير السماح=ونا مثل ماقيل مع جرف(ن)مدحدر وزلقه
رد الضماير ردها من راس قرنك يالوضاح=هذا رجاء هذا طلب باب الغرابيل اغلقه
لاعاد تلعبي كما تلعب بالاغصان الرياح=اسمع ضلوعي ياعشيري ووح بعض الطقطقه[/poem]