قالو تزوج قلت ......؟

[محمد الجبريني]

صباح الخيررر
اخواني واحبابي والله
يطول عمر ابوي وابائكم الحيين
ويرحم الميتين ويتجاوز عنهم ويثيبهم

بعض الناس سد نفسي من الغزززل
ههههههههه
وهاذي


ابيات كتبتها تعاطف مع احد الاخوان عندما
اطلعت على ظروفه وشرحها لي والله
يكون بعونه ويرزقه
واتمنى اني
صورت

الموقف بأقل
ما يجب ان يكون يوصف ويصور
والمعذره والله يكوووووون بعون الجميع


[poem=font=",6,blue,normal,normal" bkcolor="transparent" bkimage="" border="groove,8,seagreen" type=2 line=0 align=center use=ex num="0,black""]
قالو تزوج قلت وش لون ياحيف =ماني بمتزوج لين القى وظيفه
وتعبت ماعينت شغله وتوظيف =وش ذي الحياه المكلفه والصليفه
اثر الزمن يقطع بحده كما السيف =من عمري اقتص اكثر من النصيفه
وعودت من وسط البلد يمة الريف=ودنياي رغم الوسع صارت قظيفه
وراحت سنين العمر من صيف لصيف=وثقلت حمولي عقب كانت خفيفه
توفى ابويه مكرم الجار والضيف =وترك علي بعده حمولٍ كليفه
الشايب اللي يحتمي بالمواقيف=من بعده الدنيا بوجهي كسيفه
وش لون اقوم ابشيل كل المصاريف =وانا ماوفقت بوظيفه شريفه
والعلم مايخفى الرجال العواريف =مايجهله غير العقول السخيفه
الله عِبد بالعقل بالعين ماشيف =ونوره تجلى فالعقول النضيفه
واليوم في صدري جروح منازيف =والجرح الاول في تجدد نزيفه
صارت جروحي فوق قلبي مراديف =كل ماضمد جرحٍ تولى رديفه
عصتني الدنيا ماجتلي على الكيف=ومحد(ن ) بهالدنيا ماخير بكيفه
ياالله يامولف قلوب المواليف=يباعث محمد بدين الحنيفه
انك تجنبني شرور الصواديف =واسألك ياربي بياض الصحيفه
[/poem]


وسلامتكم

[’ طـيـش ٍ على جـدْيـّهـ ,]

الله يكون بعونه وييسر امره ويعطيه على قد نيته ( وعلى النيات ترزقون )

وماله الا الصبر والسعي والالتجاء لرب العباد

وهذا حال الاغلبيه في هالديار ..

الله يسهل عليهم اللهم امين


محمد الجبرييني

صح لسانك .. جزله من شاعر جزل

وفيك الخير اللي ثارت ابياتك لم وضعه


سلمت لا ندمت

تقبل مرررررروري

ولله درك

[][ سما الدوحه ][]

[align=right]الله يعين شبابكم على هالوظايف اللي مثل مطر هالسنين


الله يوفقه ويوفق جميع شباب المسلمين يارب..

الجبريني..

اجدت في وصف الموقف..

صح لسانكـ ..

وفالكـ الجنه[/align]

[سندهم]

الله الله صح ألسانك يأخوي :محمد

ولاهنت على هالتوصيف

[عوادالعلي]

شاعرنا محمد الجبريني
صح لساانك
قالو تزوج قلت وش لون ياحيف =ماني بمتزوج لين القى وظيفه
وتعبت ماعينت شغله وتوظيف =واش ذالحياه المكلفه والصليفه

الله المستعان



والعلم مايخفى الرجال العواريف =مايجهله غير العقول السخيفه
الله عبد باالعقل باالعين ماشيف =ونوره تجلى فاالعقول النظيفه

صدقت لله درك على هالرائعه

[يوسف عبدالله الغنامي]

محمد الجبريني


صح لسانك وعلا شانك

شاعر جزل ومبدع يامحمد

والله يعينا وياك لاعاد لاوظيفه ولازواج ومسروقٍ جوالك واللاب توب

لاطاح الحظ لان يطيح ماعاد ينفع معه شي

تقديري وأنا أخوك وأحترامي

[خيالات الشعر]

صح السانك محمد


قصيده جزله من شاعر جزل


دمت بوود

[جريح الوقت]

الله يفكـ أسره واسرنا يامحمد من العزوبية وييسر أمره وأمرنا هههههههههههه

صح لسانكـ ولا هنت ..

تحيتي

[(( الثريا ))]

الشاعرمحمد الجبريني
مايصيبكم الاماكتب الله لكم
وبالنسه لي الخساره خسارة الدين
والايمان ثم الكرامه وانامتأكده ان المؤمن قنوع بماقدرالله له
من اتكل على الله ماخاب في اموردينه ودنياه اتكلناعليه وهوحسبنا

خذراحتك خله على الدايم الحي=ومن يستعين بخالقه مايخليه

من واقع التجربه لي وللكثيران الأكثارمن الأستغفارلله حل لكل صعب
قال تعالى
(( من لزم الاستغفار جعل الله له من كل هم فرجا ومن كل ضيق مخرجا ورزقه من حيث لايحتسب))
وقال تعالى
((استغفرواربكم انه كان غفارا يرسل لسماء عليكم مدرارا ويمدكم بأموال وبنين ويجعل لكم جنات ويجعل لكم انهارا))
وقال تعالى
(( وماكان الله ليعذبهم وأنت فيهم وماكان الله معذبهم وهم يستغفرون ))

اخواني واخواتي يجب ادرك قول الله تعالى انه الرحمن جل جلاله الصادق
انه لايخلف الميعاد
هذا المطلوب من الرحمن اكثروا من الاستغفار فوعد الرحمن وعد
سضرب لكم مثل
لواستصعب على اي شخص امر وحله في يدفلان من الناس بعد الله
وهورجل صادق كفو وعد انه يحله بعد الله راح يرتاح صاحب الحاجه
لانه واثق فيه
الثقه بالله وهو المستعان
اخي الكريم واخواني واخواتي
اعلم انكم تعون ماقلت من قبل ان اكتبه ولكنني صاحبة تجربه مااستصعبت شئ الابفضل الله ثم الاستغفار ييسره الله

اسفه على الاطاله ولكني احب الاسهاب بمثل طرح هذه المواضيع

اخي محمد صح عقلك ولله درك
اتحت لي فرصه ثمينه لي اعبر عن حب الاستغفار وفضله على نفسي
دمت شاعر مبدع

تقبل اطالتي

(( الثريا ))

[صلاح الأحمدي]

[align=justify]
.؛

نسأل الله أن يُصلِح الحَال إلى الأفضَل حَال
وَاقِع ملمُوس وَإن كَان المَفرُوض غَير ذَلك
أبدَعت شَاعِرنَا الرَّائِع فِ السَّرد وَتَفَرَّدت بِ العَزف والنَّظم
لله درّك، كُل العِطر.؛

محمّد الجبرِيني
صَحّ قَلْبك وكُلّك، يسْلَم بَوحك وَنَبْض رُوحك ، لاَهنْت.

.؛
رُوح العِ ـطْر

[/align]

[أبوعبدالرحمن]

محمد الجبريني
اشتاق لقلمك ولكل ماتكتب


صح قلبك وكلك


وسلمت اناملك


تحيتي لك

[سيف الدوسري]

أحسنت صنعا وبركت وتقبل خالص تحياتي
..................((المعنّى))

[محمد الجبريني]

أحسنت صنعا وبركت وتقبل خالص تحياتي
..................((المعنّى))

قريت جميع
الردود واشكر جميع
من مر و رد من اول رد
الى اخر رد والمره ذي ابرد على
اخر من رد ومن بعده يعني افهموها معشق الريوس

وعيا يفصل هههههههه
عشان مايزعلون علي الاولين واقول
لك اخووي وعزيزي (المعنى)
اخوي سيف الدوسري


لاهنت
اخي علــى
مرورك ويشرفني حضورك
تقبل فااائق تقديري واحترامي

[محمد الجبريني]

محمد الجبريني
اشتاق لقلمك ولكل ماتكتب


صح قلبك وكلك


وسلمت اناملك


تحيتي لك

استاذي
الغالى ابو عبدالرحمن
تبي الجد والله ماني مصدق ان بغيت الجد
ههههههه ماهو قصوراً فيك لا والله الا اني ارى نفسى
اني ماني قداعجابك واشتياقك وان كان بلغت الى ذالك فاالمكسب
لي طال عمرك والشرف لي والله لايهينك اعكس كل الأنظمه والقوانين على شانك
يااااالقرم وعلى شان اقل درجات اعجابك وصح بدنك وقلبك وكلك تقبل فااائق مودتي واحترامي

[خالد الممخور]

لاهنت يامحمد

والله يعين الامه الاسلاميه جميعا ً

والله يقويك يامحمد


وصح لسانك يالنشمي ملاييين

وتقبل تحيتي وكامل احترامي على ماخطته يدك