[poem=font=",6,,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
يطب هاجوسي ليا ذعذع النود=يعوم في بحر القواف الجزيله
ماعاد لي قدرة على نحيًل العود=لو الهوى بالكيف ماننحني له
اشوف موتي دوم بعيونك السود=ولافيه طب(ن) للهوى نشتكي له
اكل العنب ياخوك عنقود عنقود=ياكم خليل(ن) قد شكا من خليله
الحب ماهو عيب ولافيه منقود=الا ان تعدى حده وزاد كيله
ياسعود شفت الموت ياسعود ياسعود=واظلم خفوقي تالي الوقت ليله
شفت العنا والضيم والحبل معقود=ومن طاح في بحر الهوى عزتي له
واشكي بحالي منه ياراعي الوجود=ياسعود وش سر القلوب العليله
حظي رماني له والحظ مقرود=وعاقني وقتي بدنيا ذليله
صبري تعدى الحد والصبر محدود=وماعاد لي في تالي الوقت حيله
وصلوا عليه عداد ماهبت النود=وعداد ماهلت مزون المخيله
وسلامتكم[/poem]
رد مع اقتباس
