عندي هندي .. الله يسمنكم بيسافر وودي اسوي مزاد على مقتنياته الاثريه
وهي كما يلي << تذكرني باسئلة الاختبارات
1 _ عدد اثنين مشط ابو ريال ( وللأمانه واحد منهم سنونه رايحه في عينها )
2 _ عدد ثلاثة كرتون دهن رانجين ( وللامانه بعد الكراتين كلها فاضية )
3 _ كيس مليان فلفل حار ( وللامانه ما فيه الحار كله بارد ومعفن )
4 _ مجموعة من أمواس الحلاقة ( وللامانه كلها مصديه إلا واحد فيه شعر ولقيته في دورة المياة )
5 _ وزار من النوع الفاخر ( وللامانة ما تعرف وجهه من قفاه )
6 _ عدد اربعطعش غرشة عرق ( وللامانه ما تسكّر قطو )
7 _ حبوب بنادول ( وللامانه انا شاك انها حبوب شباب )
8 _ عدد سبعة علب بودرة ( وللامانه خلصها ابو هنود في لعب الكيرم )
9 _ عدد لوح لعب كيرم ( وللامانه كان يقطع عليه البصل )
10 _ تلفزيون وفيديو ( وللامانه ما يشتغل فيها الا الافلام الهندية )
11 _ عدد اثنين ساعة وحدة رجالي وحدة نسائي ( وللامانه ترى الهندي سارقها من محاتسيكم )
12 _ عدد اربع مواضيع صالحة للنشر في غرابيل ( وللامانه مكتوب تحتها لا تشوفها مخاوف )
13 _ .............. << اتشاءم من هالرقم
14 _ عدد كبير من الزنوبات والكنادر ( وللامانه ما قدرت اكوّن منها جوز ) << مهوب جوز حمام
15 _ ............... << مهوب احسن من رقم 13
16 _ عدد اثنين ولاعة ( وللامانه ما فيها اللي يطلق الوجه قدام المدخنين * المتعمرين * )
17 _ دخان ماركة ورق عنب ( وللامانه تراه يابس ويكسر الضروس * ما ينعرف أكلهم من دخانهم )
18 _ عدد اثنين سرير حديد ( وللامانه واحد له والثاني مدري منهو له )
19 _ عدد 3456 مجلة ( وللامانه ما فيها الصورة اللي تطلق الوجه وتثير الحواس الخنفشارية * اللي بالي بالك * ) << لو انحذفت الفقرة هذي لا تجحدون باقي الاغراض
20 _ عدد اربع صور لواحد من الاعضاء بأوضاع مختلفة ( وللامانه كل الاوضاع نفس بعض * وانا مشبه على سعود نفس المقفى * )
21 _ عدد سبعطعش شريط غير شرعي ( وللامانه مكتوب عليها * البرازيل والتعاون * )
22 _ عدد اربع سراويل رجالي ( وللامانه فيهم واحد وردي مزركش باخضر وفيه لمبة تولع )
23 _ عدد تسعة وتسعين كريم نيفيا ( وللامانه نصها يستخدم للشعر ونصها يستخدم خخخخخ راح تفكيركم بعيد .. يستخدم للبشرة )
لمن لديه الرغبة في شراء اي غرض ما عليه سواء وضع رد هنا واختيار اي قطعة يريد .. ونحن نوصلها له * بالنسبة للاعضاء نواعدهم في أحد الشوارع في عز القايلة ,, وبالنسبة للعضوات نوصلها لهم لبيتوهم *
انا عارف موضوعي زين وحلو ( وللامانه مدري ليه حاس انه بينشاااااات من قبل مخمخ ام برطم )