القصيدة اللي اخترتها اليوم للشاعر المبدع ابو عبدالرحمن
وماسمح لي بالنشر الا عقب حب خشوم هههههههههه
بس عزالله انها اعجبتني كثير
على فكره ابو عبدالرحمن تراه مديرنا المحبوب
ماودي اطيل عليكم واترككم مع القصيدة :
[poem=font=",6,black,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
في ليلة الزفة يغنون لك ناس = وأنا على جرحي أغنّي لحالي
تدرين وأنتي لابسة عقد الألماس = إني لبست الحزن للي جرالي
ويومك تزينتي بالأبيض على الراس = حطيت الأسود في عيون الليالي
السعد والفرحة لك اليوم جلاّس = وأنا جليسي الدمع واعزتالي
رسمتي الضحكة على وجهك إحساس = والهم يرسمني من أول وتالي
القلب مات وداخله ألف وسواس = وما فادني في الحب عمي وخالي
لو كانت القسمة على خط قرطاس = كنتي من أول يا حياتي حلالي
وإن كانت الدمعة على الحب مقياس=شوفي غرامك كيف سوّى بحالي
من أول اطرب على دق الأجراس = واليوم ما عاد الطرب يهنالي
وكنت أحسب إن الحب يبنى على ساس =ما كنت أظنه ينحني للزوالي
أحتاج لك وأنتي مثل عطر الأنفاس = وشلون أبنسى لا سكنتي خيالي
وشلون يمنع خافقي ضربة الفاس = وأنتي بعيدة ما وصلتي مجالي
ليتك تذكرتي القلم فوق كراس = والله ما كنتي قبلتي بدالي
تزيح عني الهم قولتك لا باس = ويصير بعدك مرّ الأيام حالي
أعلنت أنا من بعد فرقاك الإفلاس = وخليت درب الحب يا راس مالي
في ليلتك غنّى علشانك الناس=والجرح خلاني أغنّي لحالي[/poem]
صح لسان شاعرها وسلمت يدين ناقلها وذوقه بعد :مزون: وشكرا لعيون قاريها