"...نبي نقول للعالم بانا من سلالة قوم..."لهم" بالعز تاريخ يهيل الظلم بـ اقباله
نبي نفخر بهالاخضر جواز ونفتخر ونزوم..."على" من قال ياحاله على حميدان ياحاله
نبي يعود لدياره واذا مخطي يجي محكوم..."بشرع" الله مهو شرع اليهود الحكم يمشاله
..."
** حميدان التركي **
الحكم الصادر بحقة : 28 سنة
!!
على الفطور امس قاعدين يسولفون ابوي و عماني عن اللي بيصير رئيس لامريكا بعد بوش ؟
ماعجبتني سالفتهم فلهيت عنهم شوي ..
بس انتبهت لسالفة قالوها كانوا يتكلمون عن حميدان التركي
ما كنت ادري وش سالفته انا ؟
وطبعا فشله اسال ابوي عند عماني و اقطع كلامهم ..
أمي كانت قاعده بلحاله سألته ..
قالت لي هذي السالفة يمكن قبل سنتين او 3 ماانحلت و لا ظنتي بتنحل
قلت قوليه لي طيب قالت منب فاضية ادخلي النت و ابحثي بتلقين
قلت لا يمه تكفين قوليها لي ابي اسمع ما ابي اقرا ..
قالت لي امي قصة التركي .. وقالت لايضيق صدرك مب اول واحد يا بنت ولا بيكون اخر واحد ..
وامي تقولي السالفة ..
كان بي جزء يبيها تكمل وجزء يبيها توقف ..
يوم خلصت قلت طيب يمه هماك تقولين العالم يمشي بالواسطه وراه ما يطلعه الملك حقنا يروح لبوش و يقوله طلع ولدنا ..
وبوش مب عاجز عن شي ..
قالت امي ياحليلتس بس ..
تحسبين بوش يدور رضاك
هناك يابنت ما عندهم زينا
المحكمة ماله شغل بالحكومة
وهم مفبركين ادلة و جايبين شهود ودستورهم مب مثلنا ..
يعني مالنا الا ندعي حسبي الله عليهم ..
وندعي الله يفك اسره بهالشهر المبارك .. [ يارب ]
دخلت النت وصرت ابحث و اقرا و أصيح ..
بحثت بقوقل بس بالانجليزي علشان اشوف
الشعب الامريكي وش رأيه بهالقضية ..
صح ترجمت قوقل غبيه بس تعبرت به ..
** من القصة **
عجبني موقف زوجته
كانوا يساومونها
اشهدي ضد زوجك
اعترفي بتهمة واحده و نسقط عنك باقي التهم
كانت تشوف بناته يصيحون قدامه و لا وافقت تمشي وراه هاليهود
صراحة موقف بطل
<< حسيت ودي اتعرف عليها
قهرتني شغالتهم ..
ودي اذبحها وادخل السجن بسبتها عادي ..
شفت مقطع لعائلته يوم طلع الحكم
رسالة بنته على المجد
http://www.youtube.com/watch?v=iuFHYiXpSh0
وانا احوس بالنت لقيت له موقع ..
http://homaidanalturki.com/index.cfm
هل ما زلنا نذكرهم؟!
31-8-2008
بقلم د. أميمة الجلاهمة
"...هل ما زلتم تذكرون الدكتور حميدان التركي؟ ابننا الذي حكم عليه
بالسجن ظلما وبهتانا لمدة سبعة وعشرين عاما، والقابع في السجون
الأمريكية منذ قرابة ثلاث سنوات، هل ما زال مجتمعنا السعودي يذكره أم
إنه انشغل عنه وعن بقية أبنائنا القابعين خلف السجون الأمريكية في كوبا
منذ حوالي العقد من الزمان ..."
يمكن اكثركم عارف القصة من قبل
بس حنا برمضان و بنهاية العشر الاواخر
صايمين و مصلين
ما يضر لو نذكر اسرانا بدعوة ..
الله يصبرهم ويعجل بفك اسرهم و يرجعهم لأهاليهم سالمين ..
مذهله
رد مع اقتباس
