الاعضاء الكرام بعد التحية
هذة اول مشاركة اتمنى ان تجد القلوب فتلامسها
سر ياقلم لامن طرالي ثم إحتست = وإحذف غطاك ولا تلخبط ثم احتاس
واكتب عن اللى في غرامه تريٌست = ريس وملكه [خطٍ اسود وقرطاس]
ياما جليت بهاجسي ثم تكدٌست = تطري واهيم بعالمي وأترك الناس
وياما عَقلْت بحبها لين هوجست = اعْقَل جنونٍ يجتلد بين الانفاس
ماونست ماونسته ولو انك اونست = خطر عليك تعيش في حالة الياس
أحِرْ وابرد وادري اني تلعمست = واقوم واجلس وانتخي قوة الباس
لو جار وقتي يالغلا عنك ماهِسٌت = طبعك ولا غيرك له القلب مياس
وسط المحاني حاجزٍ طاولة بست = القلب يعزف لك والاوجاع مرواس
ودي تعيش احساسي الي به احسست = ولا تقول انك بلا قلب واحساس
يوم اني اسلى تحسب اني تونٌست !! = في ذمتي ماله عقب رحت مجلاس
اقفيت بي وابعدتبي عنك وايئست = آمالي الي شفتها منك تنداس
ومادامك الى في الحنايا على البست = هذى حروفي لك من الراس للراس
رد مع اقتباس
