..
السلام عليكم ورحمة الله وبركاته ,,
نتواصل مع الاخوان الاعزاء في هذا المنتدى العريق بأهله .
بما يرضيكم وينال أعجابكـــم .
[poem=font=",5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
المواقف تصدف الرجال والموقف صدفته=وسط سوقٍ داخل البلده .. وبالحزه عشيه
مع رفيقٍ خوته .. طيب ومعزه من عرفته=ورفقة أصحاب الوفاء بين العرب .. حقٍ عليه
داخلٍ وسط المجمع وأتمشى عبر لفته=قال شوف اللي يسارك وأنت لك عينٍ شقيه
وألتفت وشفت شيٍ والمصيبه يوم شفته=لا هنالي سوقٍ أمشيبه ولا له قابليه
يشهد الله يوم شفته ياوجيه الخير خفته=( ياعذابي ) برقعٍ يزهى عيونك يا ( بنيه )
كيف انا بأوصفه وألا كيف لو إني وصفته=الحياء جنب الخجل جنب التغنج والزريه
الزريه يحسب الصده عنه فالقصد ..عفته=( والمعافه ) ماتجي يم العيون الصيرميه
صوبتني .. والدمع غالي وبأسبابه ذرفته=الحسايف ليتني بيعاز .. دقيت التحيه
( كل من وقف من أجلي ) لجلها شفته وطفته=كيف اساوي كيف ابعدل بين هاذيه وذيه
قلبي اللي وسط صدري كيف بالنظره خطفته=ماتخاف الله فيني خالقك رب البريه
أشهد إنك يم تيار الهوى قلبي جرفته=جرفة السيل النحاوي من مزونٍ عقربيه
لونحت الصخر ..وألا الزهر .. بالمعنى قطفته=الحروف الأبجديه تستبيحك يا أبجديه[/poem]