قصيده من قصائد كتبت في ظروف خاصه .. بل فاجعه
وعندما تتكرر هذه الخوصية في بحور النفس
تجود النفس ما تجده عله يرضي هذه الخاصية
وفي كل مره تتعاود الكره
.................................................. ...............
وقتي ليامن جاه ما جاه واصطك
...........وقامت هموم الوقت من حولي اتدور
وقلبي غدا من طاغي الهم منحك
...........وامسيت همي داخل القلب محفور
اخذت لي تنهيدةٍ تبرد الحك
...........وذكرت منهو كان بالطيب مذكور
اضحك ودمعي في عيوني مركك
...........حاير وانا ياخوي بالصبر مامور
الهم فيني يافهد ماخذٍ صك
...........من بعد ماجد صرت بالهم مجبور
والحزن في جوفي طغى ثم تملك
...........كني من اسباب المعاناة مسحور
لا قمت اسولف صار هرجي ملكك
...........لامر في بالي بدا دمعي يثور
ياخوي انا من طاغي الهم منهك
...........مبطي عن الفرحة ولاني بمسرور
باب الفرح ياخوي عني مصكك
...........قلبي غدا في ساحة الهم مقبور
وانا تراي اشكي لجل يبرد الحك
...........وشورك تراه يبرده لاحصل شور
........ اخوك الأصغر / طلال