بسم لله الرحمن الرحيم
السلام عليكم ورحمة الله وبركاته
والشهر عليكم مبارك جميع
ابيات اتمنا ان تحوز على رضاكم
[poem=font=",6,,normal,normal" bkcolor="transparent" bkimage="" border="none,6," type=2 line=1 align=center use=ex num="0,black""]
الخوف مابيني وبينه مواجه= اطاه لو اطى برجلي على صاج
امشي على وضحى النقا والزراجه= واعطي على الحجان لاعقد حجاج
كل ٍ على كيفه يحكم مزاجه = حماد له منهاج وحمود منهاج
والي تلفت في دروب العواجه= اليا لقا مدخال مافيه مخراج
شي ٍ طبيعي من جداره زجاجه= لا يحذف بحيده عضيمات الابراج
الوقت مهما ضاق فيه انفراجه= يرسل لك الخالق من الخلق فراج
والشاوي الي راس ماله نعاجه= ولافكر بشيخه ولا فكر بتاج
يعرف مداخيله ويعرف خراجه= ويحسب الانتاج في وقت الانتاج
في هالزمن بيعيش عيشة خواجه= سالم من المشروه وانواع الاحراج
فلا قرنسن شقر الحرار الدجاجه =ولاخلق لوجيه الرياجيل مكياج
تدري يا ابو تركي وش اخير حاجه= انك تعيش العمر منته بمحتاج
وتدري صراحه وش حياة السماجه= لاصار منته شيخ وملبس ٍ تاج[/poem]
رد مع اقتباس
المشاركة الأصلية كتبت بواسطة معيوف الدوسري
