[poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مدرى علامى كل ماجيت ابنساك=اغافـل النسـيان واذكر ليالـيك
كـم مـرةٍ تـنعـاك عينى وتـلقـاك=تموت فينى لكن الشوق يحييك
ياما نسيت بدنيتى ذاك مع ذاك=تبـى الصراحة ماقويت لتناسـيـك
اشوف غـيرك لكـن القـلـب ويـاك=ِكنِّك معى تشبك يدينى باياديك
لو غبت عنِّى مشغل البال طرياك=من وين ماوجهت فكرى مخاويك
حتـى القصايد فى غيابـك تمنـاك=وشــفيك ماترحم وانا هايم فيك
ماجيت لحدود الغلا قصدى إجفاك=ولاجيت اغامربك ولا جيت ابكيـك
ابـنـتـظـرك هـنـاك وهـنـاك وهـنـاك=وآمنّـى الخـفاق رحـلـة مساريـك
يمـكن تجيـنـى تلـعـنة يـوم فـرقــاك=سوالفك بالشوق تسبق خطاويك
وان مانساك القلب وشلون ابنساك=يكـفى جروحـك ذكرتنـى بليـاليـك[/poem]