لميس ويحيي ومهند ونور

[عبدالرحمن البراق]

إليكم عن واقعنا المرير ،،
،،
،،
،،

[poem=font="simplified Arabic,5,darkred,bold,normal" Bkcolor="transparent" Bkimage="" Border="none,4,gray" Type=2 Line=0 Align=center Use=ex Num="0,black"]
إستنهضي ياحروف الشعر عبر الصدور = من بين طي الوثايق وأصدق أوراقها
ماني بقايل تريح ياشعر ومعذور = خل القصايد معي تاقف على ساقها
الغيض حرفه طغا وجتاح كل السطور = اللي على الحق منطقها وميثاقها
لعلها كلمةٍ تاقف بيوم النشور = تاقف وتشهد معي لابان مصداقها
ماضنتي شخص شعري بالمواقف يخور = مادام حور الجنان تزف عشاقها
ومادام يرفع كفوفه للرحيم الغفور = يوم المعاصي على وقته بدى وثاقها
وش بصمة الوقت ياشعار غير الشعور = لا صار نفس البنادم يطلب إعتاقها
مع صرخة الغيره اللي وقعها مايبور = صرخة ندا مع فدا والظلم ماطاقها
تحيي عظام المشاعر من لحود القبور = وترفع مقام التفادي حزة عناقها
العام صوت المنادي بالمعارك جهور = واليوم فنانة العشاق وأشواقها
ولميس ويحيي سوى معهم مهند ونور = مسلسلات الضياع نتابع أذواقها
ماتت قيمنا على طعن الخنا والفجور = وحنا شوارب لحانا عند حلاقها
ليل الدجا طال وقته مابدى فيه نور = ياليت شمس النصر تبدي بمشراقها
الخوف والذل من بين الحنايا تدور = والعزه اللي منول بوش بواقها
لابوك(س) ياذلةٍ تغشا طوال الشبور = الذله اللي تبرك بالحشا نياقها
القدس تلبس حداد الحزن بين العصور = ذاقت زعاف المآسي ماحدٍ ذاقها
فاضت عباير شقاها كنها من بحور = حتى الخدود إجرحتها وأجدت إغراقها
أطفال الاقصى رخاها حاجبه ألف سور = وعيونها ضمت الحرمان بإحداقها
كن الملامح نهر حزنٍ بفيضه حدور = ودمعٍ نبا عن ليال العز وفراقها
قصف المباني بإهلها ماوقف له غيور = الا الخيانه تصفق تضحك أشداقها
صار الغراب ونعيقه فوق عز الصقور = والله يخارج من الغربان ونعاقها
خلف الحصون المنيعه عيشها في دبور = تخاف من ظلها والذل مستاقها
يلعبها الغرب في دنياٍ متاع وغرور = يالين هاك الكرامه طاحت أسواقها
قلوبنا لاهيه والدم عيا يفور = وبغداد تبكي على حالٍ غشا عراقها
ومنها حجاج النصارى بنطلاق وسرور = يوم التخاذل على الامه وخفاقها
أقسم بعزة عظيم العرش مجرا الامور = النصر يبغى المعارك تكشف إرواقها
غيم الدخاخين هتانه رصاصٍ يثور = ورعودها الرمي والبارود براقها
ونغسل بدم الخوافق ذلةٍ بالنحور = ونعلم النفس إن الفوز بإزهاقها
في ذات ربٍ على خلقه حليمٍ صبور = اللي عباده بشكره تكثر أرزاقها[/poem]
=====================================

عبدالرحمن مجاهد البراق

[خــــالـــــد]

[align=center]
عبدالرحمن البراق
ـــــــــــــــــــــــــ ــــــ
صح لسـااااااااااااااااااااان ك

تسلم يالغالي

وبيّض الله وجهك على القصيدة

ما شاء الله كلها درر

الله لا يهينك يالغالي ..
ـــــــــــــــــــــــــ ــــــ
أخوكـ/خالد
[/align]

[سلمان الثوري]

عبدالرحمن البراق ,,

صح لسااااااااااانك


ابيض وجه الله لا يهينك


رائع ونص فاخر

تحياتي لك

[خالد الممخور]

سلمت ولاهنت

انا اشهد انها انجبت رجل

لمسه اجتماعيه

وعطف اسلامي

ياسلام عليك ياعبدالرحمن ويشرفني

اني اقراء هذا الشموخ الانساني

صح لسانك ملاييين ولاهنت

ولك تحيتي

[صهيل الصمت]

صح لسانك وقلبك ملايين


.
.

كلمات اتت على الجرح



دمت بطيبك


أرق التحايا

[مفرح بن مناحي]

صح لسانك يا عبدالرحمن

أبيات ذات معاني رااائعة

لله درّك

وبانتظار جديدك

[الملازم]

صح السانك يا البراق

قصيده جزله وفي قمة الجزاله

وبيض الله وجهك والي مثلك وشرواك

الي يستخدم شاعريته في الامور هاذي والي مثله

[مصلح الحربي]

صح لسانك
وجعلها الله في موازين حسناتك
وطيب الله فالك
والامر زيما تقول غزو تركي جديد
عبر هالعالم الماصخة
ونحن ترانا من اول ضحية للتهريج المصري
يعني التلفاز كذا وكذا لا خير فيه

[عبدالعزيز نايف]

صح لسانك ياعبدالرحمن قصيدة جزله وهادفه

أسال الله ان يهدي شبابنا ويحميهم من هذا الغزو

واذهن يالمطوع تطيح عينك على لميس يوم هههههههههههههه


تقبل مروري يابو مجاهد

[احمد مناحي]

عبدالرحمن البراق

هلا بك وغلا

صح لسانك الى رضاك .

قصيده هادفه وساميه في معناها .

حمانا الله من الغزو الاجنبي بكل انواعه وان كان الغزو الفكري اشد وطأه .

حفظ الله عليك هذا الفكر الراقي .

تقبل مروري

[فراج العتيبي]

صح لسانك يا عبدالرحمن


قصيده اكثر من رائعه



تقبل مروري

[صالح الروقي]

البراق

ابيض وجه

رساله شعريه رائعه

صح قلبك وكلك

[فهده]

ابو مجاهد

صح لسانك مليووون
والله يبارك فيك وينفع بك الدين


سلام..

[سيدة_الحرمان]

صــح لسااانك يا شاعر ...


تقبل مروري ..

[مبارك الودعاني]

وش بصمة الوقت ياشعار غير الشعور
لا صار نفس البنادم يطلـب إعتاقهـا
مع صرخة الغيره اللي وقعها مايبـور
صرخة ندا مع فـدا والظلـم ماطاقهـا
تحيي عظام المشاعر من لحود القبور
وترفع مقـام التفـادي حـزة عناقهـا
العام صوت المنادي بالمعارك جهـور
واليـوم فنانـة العشـاق وأشواقهـا
ولميس ويحيي سوى معهم مهند ونور
مسلسـلات الضيـاع نتابـع أذواقهـا
ماتت قيمنا على طعن الخنا والفجـور
وحنا شـوارب لحانـا عنـد حلاقهـا


***************

بيض الله وجهك يالقرم

صح لسااااانك على هالراااائعه الجزله الرااااقيه

صح لسااانك يالقرم وكثر الله من امثاااالك