[poem=font="Simplified Arabic,4,orange,normal,normal" bkcolor="black" bkimage="" border="outset,7,white" type=1 line=1 align=center use=ex num="0,black"]
يا بنت الأجواد الغلاء دق ناقوس=جرح البعاد اليوم جدد طعونه
يلعب براسي لحظة البعد هاجوس=ويهزني هز الوتر في لحونه
الجرح في قلبي كما رمية القوس=بُعد الولايف زاد قلبي حزونه
قضيت ليلي بن دله وفانوس=أقراء غلاكم دامكم تكتبونه
مبلي بفرقى صاحبي حيل متعوس=والعقل من فرقاه زادة جنونه
لله درك بالغلاء دوم محروس=جيش المحبه يحتمي في حصونه
جريت صوتي قلت منحوس منحوس=منحوس دام الصوت ما تسمعونه
أخشى كلامٍ بالخفاء حيل مدسوس=بيدين عذال الغلاء يامصونه
لا جفت الأحبار نحفظك بالروس=نحفظك في راس الغلاء وبعيونه
عزي لحالي شقني شقة الموس=ولا هانت الصحبه تهون النمونه
حاولت أدور عن خبر شي ملموس=يطفي لهيب القلب.. لا تحرقونه
وأزريت الاقي علم موثوق محسوس=وأقفى ظلالك يا دلع يا حنونه
أنشدك بللي يبلي الحب بالسوس=حني على قلبٍ تزايد غبونه
أبنتظر وأصبر على ظربة الفوس=وأنشد قصيدي علكم تفهمونه
أرسلت لِك قلبي ولاهو بجاسوس=وأخاف مرسولي يجي تطردونه
اللي مشى في درب والدرب معكوس=يلقى كثير أخبار تخلف ظنونه[/poem]
[blink][align=center]
ولكم خاااااااالص التحاااااااياااااا
محمد الأسمري[/align][/blink]
رد مع اقتباس
