[poem=font="simplified Arabic,5,black,bold,normal" Bkcolor="transparent" Bkimage="" Border="solid,4,gray" Type=1 Line=0 Align=center Use=ex Num="0,black"]
ياليل هاك القلب واحذر تعنه=لانه بيشكيلك على منبر العوق
عوقن على مر السنين احتونه=اصبح على طاروق وامسي بطاروق
وياكثر طاروق الليال المزنه=في ليلتن لا نامها كل مخلوق
تطري علي جروحي المستكنه=لاطابلي نومن ولاطابلي ذوق
الله عليم الحال وشهي تكنه=من ضيقتن فالقلب تستاقني سوق
سوق المريض اللي جروحه كونه=لطاب جرحن عود الطاق مطبوق
لاجيت ابالممراح جريت ونه=تتناثر العبرات من دمعت الموق
على وليفن من ليالن خذنه=وعلى رفيقن اخلفه عنك مطفوق
وعلى المراجل راحت اليوم كنه=عجاج قيضن قش صحراه من فوق
وعلى المجالس اللي ماعادمنه=غير الهروج فلان وافلان ملحوق
وعلى سلام اللي سلامه يمنه=حتى سلام الله على الناس مخفوق
وعلى المطرمعاد اناشوف دنه=سحايبن تردم وطابوق طابوق
وعلى النبي لاذكر صيته ماكنه=الله امرنا بالصلاوات مرفوق
وعلى اللي شن الحرب لالدين شنه=يرسم نبي الله عسى يده العوق
نبينا اللي نتبعه نستسنه =نبينا اللي له علينا من حقوق
وياونتي ياعرب ياسلام سنه=ياونتي لاصار ماعادبه فوق
واجب ندافع ياهل الدين لانه=من الله اللي نزل الوحي منطوق
شاعرولي غيره ولافيه منه=يندب هل التوحيدوالباب مغلوق
كلمت شرف لوكان وقتي حدنه=سود اليال اللي على الضيم والعوق
وادعو معي يالله عسى انه عسى انه=يجيب دعوانا من القلب مصدوق
يرسل عليهم سخط ثمن يزنه=ثم يعتبر من خاف من يوم موثوق
[/poem]
[align=center]وسلامتكم واعذرونا على القصور[/align]