[align=center][poem=font="simplified Arabic,5,#001cff,bold,normal" Bkcolor="" Bkimage="" Border="none,4,#400000" Type=2 Line=0 Align=center Use=ex Num="0,#400000"]
جِيتْ والعارِضْ غَزَاه الشِيبْ لا وَالله شُبُوبْ=والقِصَايدْ مِنْ بَنَاتْ الفِكرْ مَنْظُومَاتْ تَو
كِلَهَا سِبَةْ جِفُول ٍ وَاقفَة حَزَّة غُرُوبْ=خَلْفَهَا عِتْمَة شِفَقْ منِهْاَ البَردْ مِعْطِيه ضَو
أَشْرِتْ لِيْ بِالمزُوُنْ أللَّي بهَمَاِلهْ صُبُوبْ=طِفْتَهَا صَاحَتْ وقَالَت ْيَا وَلَدْ! يَا هِيهْ! يَو!
الحَيَا صَابَ المْحَيَا والمْحَيَا بِهْ شُحُوبْ=مِن سِبَبْ نار ٍ تلَظَى فُوُقَهَا بَرَّاقْ نَو
لا بَعَدْ والِّليلْ حَالِك هَيَضَ الذِيبْ القُنُوبْ=لا قَنَبْ خَافَتْ خُصُومْه ولا هَدَا ما عَادْ جَو
قِلتْ أَوقِفْ ؟ قِلتْ أَرَوِّحْ ؟ قِلتْ يا كُبْرَ العُيُوبْ؟=تَطْلبْ الفَزْعَة بجِيْهَا وأَخْصُرَ الخاسِيْ ولَو
قِلتْ يَا خَيِّه عَلامِكْ؟ قَالَتْ الدِيْرَة هبُوُبْ!=قِلتْ قَصْدِكْ ! قَالَتْ أَرْكَبْ ! قِلتْ لا والله غَزو
وشْ مِعِيْ ضِدْ السْهَامْ وسِيفْ مَنْ حَدِّه نُذُوبْ=طِلْعَتْ الجادِلْ وطِلْعَتْ جَنْبَهَا غِيْمَةْ هُدو
حَشْرَجَةْ صُوتِيْ أَبَحْ / ودُوُبْ كَلّْمتِه ْيدُوُبْ=يَا عَسَى مَابِكْ خلَافْ؟ وسَو مَا وِدّْك وسَو
بَسْ عِنْدِي لَكْ سُؤال ومسْتِحِيْ ! قَالَتْ هُرُوبْ!=قِلتْ لا وَالله حَيَا يَا بِنْت يَا بِنْت البَدو
قالت اِسْأَلْ يالسنافي والحيا ماله درُوُبْ=قلت دارك؟ قالت الدِيِرَة غزوها إللي غَزَو
والأَهِلْ رَاحُو ضَحَايَا مَنْ سبَبْ فَتّْكْ الحرُوُبْ=والبَلَى مِنْ داَرْ جَارِيْ أرضْ أرضْ وأرضْ جَو
صِرتْ جِثَة هَامدَة وأَكْفَانَهَا جمر ٍ لهُوُبْ!=وَقِفِّيْ سَرْدَ الحِكَاية ولَا تقُوُلِيْ مِنْ نجَو؟
مَا نِجَتْ غِيْرَ الخِيَانَة ومَا نجِاَ غِيْرَ الكذُوُبْ!=سَالفَة بِنْتَ العَفَافْ أَبْيَضْ مِنَ أَحْجَارَ المَرو
واِنْتَهَى مَا صَارْ بِيْنِيْ وبِيْنَهَا حَزَّة غرُوُبْ=وصَارَتْ القِصَة قِصِيدة ومِنْ وَعَوهَا وِشْ وَعَو!؟[/poem]
محمد عويض السفري[/align]